बेलहिया नाकामा धर्ना:
कोरोना भाइरस संक्रमण पछि गत बर्षको चैत्र बाट लकडाउन हुदा बन्द भएको नेपाल भारतको बेलहिया सुनौली सिमानाका अझै पनि सहज नभएको भन्दै पर्यटन व्यवसायी तथा सरोकारवालाहरुले पुर्ण रुपमा खोल्नु पर्ने माग सहित आज पनि शान्त रुपमा कालो ब्यानर सहित नाकामा धर्ना दिदैछन।
राजपाको बिरोध तथा खबरदारी सभा :
राष्ट्रिय जनमुक्ति पार्टी,जिल्ला कार्यसमिति रुपन्देहीले आज भैरहवाको सहिद सुकदेव पार्क देखि रैलि गर्दै मिलनचोकमा गएर विरोध तथा खबरदारी सभा कार्यक्रम दिउँसो १२।३० बजे आयोजना गर्दैछ ।
राष्ट्रिय प्रजातन्त्र दिवस कार्यक्रमः
कोटहीमाई गाँउपालिकाको आयोजनामा राष्ट्रिय प्रजातन्त्र दिवसको अवसरमा राष्ट्रिय झण्डा फहराउने, अन्तरक्रृया एवं दिप प्रज्वलन कार्यक्रम मझर्गावा (मर्चवार)मा हुदैछ ।
खेलकुद तथा शुभकामना आदान प्रदान कार्यक्रमः
राष्ट्रिय प्रजातन्त्र दिवसको अवसरमा ओम सतिया गाउँपालिकाको आयोजनामा खेलकुद तथा शुभकामना आदान प्रदान कार्यक्रम आज हाटी फर्साटिकरमा हुदैछ ।
हाजिरी जवाफ प्रतियोगिताः
राष्ट्रिय प्रजातन्त्र दिवसको उपलक्ष्यमा सामुहिक बिद्यालय परिवार रुपन्देहीको आयोजनामा कक्षा १० स्तरिय हाजिरी जवाफ प्रतियोगिता आज मगर भवनको सभाहल ठुटीपिपलमा हुदैछ ।
पुर्ण खोप समन्वय समिति गठनः
मायादेवी गाउँपालिका स्वास्थ्य शाखा (कपिलबस्तु पकडी) को आयोजनामा पालिका स्तरीय पुर्ण खोप समन्वय समिति गठन कार्यक्रम आज गाउँपालिकाको सभाहल पकडीमा बिहान ११ बजे हुदैछ ।
रुपन्देही सुपरलिग क्रिकेटः
रुपन्देही सुपरलिग क्रिकेट अन्तरगत बि डिभिजनको खेलमा आज वेस्टर्न क्रिकेट क्लव र बुटवल युथ बिच सिद्धार्थ रंगशाला भैरहवामा बिहान ९ बजे देखि प्रतिष्पर्धा हुदैछ ।
किर्तिमानी धावक बैकुन्ठ मानन्धरको स्वागतः
किर्तिमानी म्याराथान धावक बैकुन्ठ मानन्धर रोटरी क्लव अफ भैरहवाले आयोजना गर्ने रोटरी हाफ म्याराथनको तयारी सिलसिलामा आज भैरहवा आउदैहुनुहन्छ । दिउसो ३.३० बजे गौतमबुद्ध अन्तर्राष्ट्रिय बिमानस्थल(जिबिआईए)मा उहाको स्वागत कार्यक्रम रहेको छ ।
तेक्वान्दो प्रतियोगिताः
राष्ट्रिय प्रजातन्त्र दिवसको अवसरमा भैरहवा तेक्वान्दो डोजांगको आयोजनामा अन्तर डोजांग तेक्वान्दो प्रतियोगिता आजबाट भैरहवामा हुदैछ ।
(तपाईंहरुले पनि कुनै कार्यक्रम आयोजनना गर्दै हुनुहुन्छ भने हामीलाई जानकारी गराउनु होला साथै कार्यक्रमबारे जानकारी र समय फोन नं। ९८५७०६२३५२ अथवा ९८०६९३९३९७ मा टिपाउनुहोला, वा तलको कमेन्ट बक्समा जानकारी दिन सक्नुहुन्छ)
Get real time update about this post categories directly on your device, subscribe now.
