भैरहवा
लायन्स क्लव अफ सिद्धार्थनगरका पूर्व अध्यक्ष नवराज न्यौपाने वर्ष २०२१–२२ का लागि लायन्स क्लब डिस्ट्रिक ३२५ बि –२ को सेकेण्ड भाइस डिस्ट्रिक गभर्नर ( सेकेण्ड भिडिजी) पदमा निर्विरोध निर्वाचित भएका छन् ।
शनिवार हेटौडामा सम्पन्न डिस्ट्रिक ३२५ बि –२ को नवांै डिस्ट्रिक कनभेन्सनले न्यौपानेलाई वर्ष २०२१–२२का लागि सेकेण्ड भाइस डिस्ट्रिक गभर्नर निर्वाचित गरेको हो । अर्का उम्मेदवार उमंग देवकोटाले आफनो उम्मेदवारी फिर्ता लिए पछि न्यौपाने निर्विरोध निर्वाचित भएको लायन्स क्लव अफ सिद्धार्थनगरका अध्यक्ष नेत्र प्रसाद आचार्यले जानकारी दिए । न्यौपाने सेकेण्ड भाइरस डिस्ट्रिक गभर्नर पदमा निर्वाचित भए पछि संगै २ वर्ष पछि लायन्स क्लब डिस्ट्रिक ३२५ बि –२को गभर्नर हुन मार्ग खुल्ला भएको छ । निर्वाचित न्यौपाने रोलक्रम अनुसार वर्ष २०२३–२४ मा लायन्स क्लब डिस्ट्रिक ३२५ बि –२को गभर्नर हुनेछन् ।
न्यौपाने क्षेत्र ४ (एरिया चार)का तर्फबाट आधिकारीक उम्मेदवार थिए । उनलाई एरिया–४ को आधिकारिक बैठकले वर्ष २०२१–२२का लागि सेकेण्ड भाइस डिस्ट्रिक गभर्नर (भिडिजी) पदमा उम्मेदवार उठाउने निर्णय गरेपछि एरिया ४ मात्र मात्रै नभई देशैभरी ३२५ बि–२ मा आबद्ध लायन्स क्लबहरुले समर्थन गरीरहेका थिए ।
डिस्ट्रिक ३२५ बि –२ अन्तरगत काठमाडौंका केही लायन्स क्लबहरु र बाँकी क्लबहरुमा बिरगञ्जदेखि पश्चिम महेन्द्रनगरसम्मका लायन्स क्लबहरु छन् । पहाडी जिल्ला पाल्पा पनि ३२५ बि –२ मै पर्दछ । न्यौपानेले आफूले गभर्नर भए पश्चात प्राप्त गर्ने भत्ता तथा सुबिधा वापतको सबै रकम आफूले नलिई लायन्स अभियानलाई नै समर्पण गर्ने र निकट भविष्यमा लायन्स क्लबको हुन गइरहेको जिल्ला विभाजन पछि बन्ने नयाँ डिस्ट्रिकका लागि आवश्यक नयाँ सचिवालय भवन निर्माण तथा अन्य पूर्वाधार निर्माणमा समेत एक आर्थिक वर्षको आफ्नो आम्दानी बराबरको रकमको योगदान गर्दै लायन्स क्लब माध्यमबाट सामाजिक सेवामा निरन्तर खटिरहने बताएका छन् ।
Get real time update about this post categories directly on your device, subscribe now.
