नेपाल उद्योग वाणिज्य महासंघको निर्वाचन लुम्बिनी प्रदेशका ४ जना केन्द्रीय सदस्यमा निर्वाचित

न्यूज ओके रिपोर्टर

भैरहवा

नेपाल उद्योग वाणिज्य महासंघको शनिबार सम्पन्न निर्वाचनमा लुम्बिनी प्रदेश बाट ४ जनाले केन्द्रिय सदस्य पदमा जितेका छन् । निर्बाचन जित्ने मध्ये ३ जना जिल्ला नगर तर्फबाट र एक जना एशोसियट तर्फबाट केन्द्रीय सदस्यमा निर्वाचित भएका हुन् ।
सिद्धार्थ उद्योग बाणिज्य संघका पूर्व अध्यक्ष तथा महासंघका पुर्ब केन्द्रिय सदस्य रहीसकेका महेन्द्र कुमार श्रेष्ठ, कोहलपुर उद्योग बाणिज्य संघका बर्तमान अध्यक्ष चक्र बहादुर अधिकारी, रोल्पा उद्योग बाणिज्य संघका भुतपूर्व अध्यक्ष किशोर आचार्य जिल्ला नगर तर्फबाट केन्द्रिय सदस्यमा र सिद्धार्थ उद्योग बाणिज्य संघका पूर्व एशोसियट सदस्य तथा नेपाल उद्योग वाणिज्य महासंघमा एशोसिट तर्फ केन्द्रिय सदस्य रहेका राजेश कुमार अग्रवाल निर्वाचित भएका छन् ।
त्यसै गरी महासंघमा लुम्बिनी प्रदेश सदस्यमा चनौटा उद्योग बाणिज्य संघका पूर्व अध्यक्ष जमशेर मिया चनौटा निर्वाचित भएका छन् । यो पदमा लुम्बिनी प्रदेशका उद्योग वाणिज्य संघहरुले मात्रै मत दिन पाउछन् । मियाका प्रतिष्पर्धिमा दाङ उद्योग वाणिज्य संघका हेमराज बन्जाडे र नेपालगञ्ज उद्योग वाणिज्य संघकी रचना श्रेष्ठ थिए । जिल्ला नगर तर्फबाट केन्द्रिय सदस्यमा उम्मेदवार रहेका पाल्पा उद्योग वाणिज्य संघका निवर्तमान अध्यक्ष मोहन प्रसाल श्रेष्ठ १ मतले पराजित भएका छन् । त्यसै गरी नेपालगन्ज उद्योग वाणिज्य संघका नन्दलाल बैश्य, कपिलबस्तु उद्योग वाणिज्य संघका यज्ञ भटराई पराजित, तुलसीपुर उद्योग वाणिज्य संघका निवर्तमान अध्यक्ष बिमल रिजाल समेत पराजित भएका छन् ।

उपाध्यक्षमा गुणनिधि पराजित

नवलपरासी उद्योग वाणिज्य संघका गुणनिधि तिवारी उपाध्यक्ष पदमा (जिल्ला नगर तर्फबाट) पराजित भएका छन् । उनका प्रतिष्पर्धि दिनेश श्रेष्ठले ५८ मत ल्याएर बिजयी बन्दा तिवारीको पक्षमा जिल्ला नगरका ४७ मत रह्यो । तिवारी वरिष्ठ उपाध्यक्षमा निर्वाचित चन्द्र प्रसाद ढकालको समुहबाट उठेका थिए भने श्रेष्ठ बरिष्ठ उपाध्यक्षमा पराजित किशोर प्रधानको समूहबाट उठेका थिए । तिवारी उद्योग वाणिज्य महासंघ लुम्बिनी प्रदेशका अध्यक्ष हुन् भने श्रेष्ट बागमति प्रदेशका अध्यक्ष हुन् । उपाध्यक्षमा पराति उम्मेदवार तिवारीले हारजित जे भए पनि आफु सदैव जिल्ला नगरको मुद्धा समस्या उठानका लागि लागिरहने प्रतिकृया दिएका छन् ।
जिल्ला नगर केन्द्रीय सदस्यमा निर्वाचित सिद्धार्थ उद्योग वाणिज्य संघका महेन्द्र कुमार श्रेष्ठले आफु केन्द्र सम्म जिल्लाको मुद्धा लिएर जान र समस्या समाधानका लागि सेतुको भुमिका निर्बाह गर्ने र सदैब व्यावसायिक हकहितका लागि लाग्ने बताए ।
एशोसियट सदस्यमा दोश्रो पटक निर्वाचित भएका राजेश कुमार अग्रवालले भारतसंग सिमाजोडिएका शहर जिल्लामा उद्योग व्यवसाय सञ्चालन गर्न कठिनाई हँुदै गएको र यहाको वास्तविक समस्याहरु उठान गर्न, जिल्ला तथा नगरका साना तथा ठूला सबै प्रकृतीका उद्योग व्यवसायको समस्या केन्द्रमा पु¥याई समाधान साथै केन्द्रमा जिल्ला लाई स्थापित गराउन आफनो भूमिका प्रमुख हुने र बर्तमान कोरोना संक्रमणको कारणबाट उद्योग व्यवसायमा आएको समस्याबाट कसरी बाहिर निस्कने बिषयमा समेत आफनो प्रयास हुने बताए ।
महासंघको शनिबार सम्पन्न ५४औं वार्षिक साधारणसभाबाट वरिष्ठ उपाध्यक्षमा चन्द्रप्रसाद ढकाल निर्वाचित भएका छन् । ढकालका प्रतिस्पर्धी किशोरकुमार प्रधान थिए । महासंघको नियम अनुसार ढकाल अब २ बर्ष पछि स्वतह अध्यक्ष बन्नेछन् । वर्तमान वरिष्ठ उपाध्यक्ष शेखर गोल्छा अध्यक्ष भएका छन् । गोल्छा लगायत सबै निर्वाचित पदाधिकारीको पदस्थापन आइतबार भएको छ ।