- भैरहवा ।
श्रोत नखुलेको साढे २४ लाख नेपाली रुपैयाँ सहित बुटवलका एक युवालाई जिल्ला प्रहरी कार्यालय रुपन्देहीले नियन्त्रणमा लिएको छ । भदौ १२ गते बेलुका साढे चार बजेको समयमा सिद्धार्थनगर नगरपालिका वडाम नम्बर १ बाईपासमा प्रहरीको टोलीले गोप्य सूचनाका आधारमा बुटवल उपमहानगर पालिका वडा नम्बर ८ सुख्खानगरका २८ वर्षिय सन्दिप शाक्यलाई उक्त रकम सहित नियन्त्रणमा लिएको हो ।
प्रहरीले चेकजाँचकमा क्रममा शाक्यले बोकेको कालो रंगको झोलाबाट २४ लाख ५० हजार रुपैयाँ फेला पारेको र सो रकमको शाक्यले कुनै श्रोत देखाउन नसकेपछि नियन्त्रणमा लिएर अनुसन्धान अघि बढाएको जिल्ला प्रहरी कार्यालय रुपन्देहीले जनाएको छ । शाक्यलाई उक्त रकम सहित भदौ १३ गते भैरहवा भन्सार कार्यालय पठाएको बताएको छ ।
Facebook प्रतिक्रियाहरु
Get real time update about this post categories directly on your device, subscribe now.
