सिद्धार्थ बिजनेश गु्रप अफ हस्पिटालिटीको भैरहवामा पाँचतारे सिद्धार्थ भिलाषा सञ्चालनमाः सामान्य चाउमिन पसलदेखि पाँच तारे होटलसम्मको यात्रा

• श्रीन्यूज ओके रिपोर्टर
  भैरहवा, १४ असार ।

  ---

आज भन्दा २५ वर्ष अघि गुल्मीबाट तराईको कैलालीमा झरेका चिन्तामणी न्यौपाने ‘लक्ष्मण’ले चाउमिन, समोसा बिक्री गर्ने सामान्य ग्रामीण स्तरको खाजा पसल सुरु गरेका थिए । टिकापुरमा सुरु गरेको खाजापसलले नाम अनि दाम कमाउँदै गयो । त्यसपछि न्यौपाने बन्धुहरुले पछि फर्केर हेर्नु परेन । सामान्य खाजा पसलबाट सुरु भएको न्यौपाने बन्धुहरुले चाउमिनको खाजा पसल खोलेको २५ वर्ष पुग्दा सिद्धार्थ बिजनेश गु्रप अफ हस्पिटालिटीको नामबाट देशका बिभिन्न स्थानमा होटल, रेष्टुरेन्ट, क्याफे लगायतका सेवामूलक प्रतिष्ठान रहेका छन् ।

२४ वर्षमा २४ प्रतिष्ठान बनाईसकेको यो समूहले व्यवसाय सुरु गरेको २५ वर्ष पुग्दा सिद्धार्थ बिजनेश गु्रप अफ हस्पिटालिटीको नामबाट देशका बिभिन्न स्थानमा होटल, रेष्टुरेन्ट, क्याफे लगायतका सेवामूलक प्रतिष्ठानको पहँुच पुगिसकेको छ । २४ वर्षमा २४ प्रतिष्ठान बनाईसकेको यो समूहले व्यवसाय सुरु गरेको २५औं वर्षमा पुग्न भैरहवामा पाँचतारे होटल ‘सिद्धार्थ भिलाषा’ सञ्चालनमा ल्याएको छ ।

भैरहवामा सञ्चालनमा आएको सिद्धार्थ भिलाषा सिद्धार्थ बिजनेश गु्रप अफ हस्पिटालिटीको पहिलो पाँचतारे होटल हो । ग्रुपका अध्यक्ष समेत रहेका न्यौपाने स्वदेशमै केही गर्नु पर्छ भन्दै नेपाल भ्रमण वर्ष १९९८ को कार्यक्रम सुरु भएको वर्ष २०५४ माघ २३ मा गुल्मीबाट टिकापुर झरेर चाउमीन बिक्री गर्ने सामान्य खाजा पसल सुरु गरेका थिए ।

‘‘सिद्धार्थ बिजनेश गु्रप अफ हस्पिटालिटीले आफ्नो व्यवसायिक यात्रालाई यहाँसम्म ल्याइपुर्याउँदा व्यवस्थापकीय साझेदारी तथा आफ्नै एकल लगानी गरी होटेल, रेष्टुरेन्ट, रिसोर्ट, बेकरी, क्याफे, होटल म्यानेजमेन्ट इष्टिच्यूट लगायत हस्पिटालिटी तथा ट्रेडिङ, कृषि उत्पादन, आइटी सेवा लगायतका बिभिन्न ब्यबसायिक बिधाहरूमा संजाल बनाएर संगठित तथा संस्थागतरुपमा अघि बढिरहेको छ ।’’ अध्यक्ष न्यौपानेल भने ।

सिद्धार्थको व्यवसायिक यात्रा हालसम्म आइपुग्दा गु्रपको आफ्नै लगानी तथा व्यवस्थापनमा कर्णालीको चिसापानी, बाँकेको नेपालगन्ज, रुपन्देहीको बुटवल, चितवनको चुम्लिङटार, काठमाडांैको सुन्धारा, तिनकुने, पुरानो बानेश्वर, बौद्ध, ललितपुरको धोबिघाटमा होटल तथा रेस्टुरेन्ट सेवा संचालनमा छन् । त्यसै गरी एस क्याफे ब्राण्ड नाम रहेका क्याफे सेवाहरूमा बाँकेको नेपालगन्ज र कोहलपुर, काठमाडौंको तिनकुने, आर्मी अफिसर क्लब जङ्गी अडा परिसर, त्रिभुवन विश्वविद्यालय शिक्षण अस्पताल परिसर भित्र मनमोहन कार्डियो तथा सुरेश बाग्ले भवनमा क्याफे सेवाहरू संचालनमा छन् भने कन्चनपुरको महेन्द्रनगर, दाङको लमही, कपिलवस्तुको चन्द्रौटा, नुवाकोटको बट्टार, मोरङको विराटनगर, झापाको विर्तामोडमा व्यवस्थापन साझेदारीकारुपमा होटल तथा रेस्टुरेन्ट सेवाहरू संचालन गरेका छौं र गु्रपको सबैभन्दा ठूलो प्रतिष्ठानकारुपमा नेपालगन्जमा चारतारे होटलकारुपमा सन् २००८ बाटै सञ्चालनमा पहिलानै आएको गु्रपका प्रमुख कार्यकारी अधिकृत कृष्ण न्यौपानेले बताए ।

‘‘भैरहवामा होटल निर्माण सुरु गर्दा कोरोना संक्रमण सुरु भएको थिएन, त्यसपछि कोरोना सुरु भयो, तर पनि हामी आतिएनौ, निर्माण जारी ग¥यौ र अहिले सञ्चालन गर्न सफल भयौ ।’’ प्रमुख कार्यकारी अधिकृत न्यौपानेले भने । भैरहवा अञ्चलपुर चोकबाट २ सय मिटर पश्चिम तर्फ मायादेबी गाउँपालिका वडा नम्बर ८ मा अवस्थित सिद्धार्थ भिलाषा ४ बिघाहा क्षेत्रफलमा फैलिएको छ । होटलमा साढे २ अर्बको लगानी छ ।

होटलमा डिलक्स, एक्ज्यूकेटिभ स्विट, स्विट र प्रेसिडेन्ट स्विट गरी चार स्तरमा वर्गिकरण गरिएका जम्मा ८५ कोठा रहेको गु्रपका निर्देशक महेन्द्र न्यौपानेले जनाए । ‘‘होटलमा लबि लाउन्ज, अल डे डाईनिंग, उत्तर तर्फ अ धवलागिरी हिम श्रृखंला देखिने रुफ टफ रेष्टुरेन्ट तथा स्विमिंग पुल, फिटनेस, स्पा, साउन, ज्याकुजीसहितको हेल्थ क्लब सेवा, गार्डेन, १२ हजार स्कवायर फुटको नेपालको सबैभन्दा ठूलो सभा हल, ३ वटा कन्फ्रेन्स हल र एक मिटिंग हल साथै क्यासिनो समेत सञ्चालनको तयारीमा रहेकोे छाैं ।’’ महेन्द्रले भने ।

होटलका सञ्चालक योगराज कण्डेलले बुद्ध जन्मस्थली लुम्बिनी क्षेत्रको भैरहवमा पाँचतारे होटल सञ्चालनमा आउनु गौरवको बिषय भएको र यहाँ आउने पर्यटकहरुलाई अब होटल च्वाईसको अप्सन बनेको बताए । सिद्धार्थ भिलाषाले आन्तरिक पर्यटक (स्वदेशी) लाई प्राथमिकतामा राख्दै प्याकेजहरु बनाएको छ । ‘‘नेपाली पर्यटकहरुले पनि पाँच तारे होटलको बसाई र त्यहाँको खानपानको अनुभूति गर्न सकुन भन्दै त्यही अनुसारको प्याकेजहरु बनाइएको छ ।’’ प्रमुख कार्यकारी अधिकृत कृष्ण न्यौपानेले भने ।

‘‘नेपालीसंगै भारतीय पर्यटक र तेश्रो मुलुकका पर्यटक लक्षित वर्ग त छदैछन् साथै नेपाल–भारतका बिभिन्न कर्पोरेट हाउसेजहरुका ईभेन्टहरु, वैवाहिक उत्सव लगायतका कार्यक्रमहरुका लागि पनि आकर्षित गर्ने हाम्रो उद्धेश्य हो, हामी सिद्धार्थ भिलाषालाई विडिंग डेस्टिनेशनकारुपमा स्वदेश तथा बिदेशमा पनि प्रचार सुरु गरेका छाैं ।’’ न्यौपानेले भने ।

भविष्यमा जुम्लाको ताम्रा, चिनको सौराहा तथा इलामको कन्याम चियाबगानमा रिसोर्ट तथा पाल्पामा वायोटिका मार्फत कृषि उत्पादन एवं कृषि पर्यटन रिसोर्ट सञ्चालन गर्ने लक्ष्य गु्रपको रहेको छ भने कैलालीको धनगढी, कास्कीको पोखरामा होटल तथा रिसोर्ट सञ्चालन गर्ने आगामी योजना रहेको बताइएको छ ।

सिद्धार्थ बिजनेश ग्रुप अफ हस्पिटालिटी अन्तरगत अहिले प्रत्येक्ष तथा अप्रत्येक्षरुपमा १ हजार ६ सय जनाले रोजगार पाएका छन् ।