श्रीन्यूज ओके रिपोर्टर
भैरहवा– भन्सार कार्यालय भैरहवाले चालु आर्थिक वर्ष २०८१८२ को ६ महिनामा ४६ अर्ब २ करोड रुपैयाँ राजस्व संकलन गरेको छ । गत वर्षको सोही अवधिको तुलनामा भन्सार राजस्व संकलन बढी हो । भन्सार विभागले दिएको लक्ष्य भेटाउन नसके पनि निराश हुने गरी राजस्व संकलन नघटेको भैरहवा भन्सार कार्यालयका प्रमुख रामप्रसाद रेग्मीले बताए ।
रेग्मीका अनुसार गत वर्ष यही अवधिमा ३९ अर्ब १४ करोड राजस्व संकलन भएको थियो । जुन लक्ष्यको ३०।६२ प्रतिशत हो । अहिले चालु वर्षको लक्ष्यको ४२ प्रतिशत बढी राजस्व असुली भएको छ । यो वर्ष लक्ष्य पनि बढी रहेको छ । कार्यालयको साउनदेखि पुससम्मको मासिक असुली औसतमा ८० प्रतिशतमाथि रहेको छ ।
कार्यालयले साउनमा ८३।५३, भदौमा ९०।०५, असोजमा १००।३९, कात्तिकमा ८३।१७, मंसिरमा ८२।१७ र पुसमा ८०।६२ प्रतिशत राजस्व संकलन गरेको हो । कार्यालयबाट गत तीन वर्षदेखि लगातार भन्सार राजस्व संकलन कम रहेकोमा चालु आर्थिक वर्षको सुरुदेखिनै सुधार भइरहेको छ । सत प्रतिशत राजस्व संकलन नभए पनि औसतमा ८० प्रतिशतमाथि रहेकोले सन्तोषजनक मान्नुपर्ने रेग्मीले बताए ।
विभागले दिएको लक्ष्यअनुसार संकलन गर्न नसके पनि विगतका वर्षभन्दा सुधार गरेको उनले बताए । ‘समग्र देशको भन्सार राजस्व संकलनको लक्ष्यभन्दा सन्तोषजनक रहेको छ’ प्रमुख भन्सार अधिकृत रेग्मीले भने । कार्यालयलाई विभागले आर्थिक वर्ष २०८१र८२ का लागि एक खर्ब ९ अर्ब ३३ करोड रुपैयाँ राजस्व संकलनको लक्ष्य दिएको छ ।
कार्यालयले गत साउनदेखि ८० प्रतिशतमाथि राजस्व संकलन गर्दै आइरहेको छ । २०७८ पुस ५ बाट राष्ट्र बैंकले १८ वटा शीर्षकका विलासिताका विभिन्न वस्तुहरूको आयातमा अनिवार्य प्रतित पत्र ९एलसी० खोलेर सत प्रतिशत र दुई वटा शीर्षकमा ५० प्रतिशत नगद मार्जिन राख्नु पर्ने व्यवस्था गरेसँगै वस्तु आयातमा कमी हुँदै आउँदा राजस्व संकलन खुम्चिन गएको थियो ।
कार्यालयले आर्थिक वर्ष २०८०र८१ मा लक्ष्यको ६३ दशमलव २४ प्रतिशत राजस्व संकलन गरेको थियो । भन्सार कार्यालयका अनुसार यस नाकाबाट भित्रिने मुख्य १० वस्तुमा मोटरसाइकल, जिप, कार र भ्यान, पेट्रोल, मोबाइल, टेलिफोन, इलेक्ट्रिक कार, जिप, भ्यान, एम एस विलेट, टायल, डिजेल, मार्बल स्ल्याव, एलपी ग्यास रहेको छ ।
Get real time update about this post categories directly on your device, subscribe now.
