तंग्रिँदै चेतन दाई

• मनोरञ्जन शर्मा
  भैरहवा ।

  ---

सञ्चार क्षेत्र होस् वा सामाजिक क्षेत्र अथवा पर्यटन सबैले चिनेको नाम हो, चेतन पन्त । सिद्धार्थनगर नगर पालिका वडा नम्बर ६ दुर्गामन्दिर (राइसमिल) क्षेत्रमा बस्दै आएका पन्त दाई पछिल्लो समय समाचार लेखनमा भन्दा पनि पर्यटन अभियान्ताका रुपमा चिनिदै आएका थिए ।
बुद्धजन्मस्थल लुम्बिनीका साथै बुद्ध जिवनीमा आधारित रुपन्देही, कपिलवस्तु र नवलपरासीका बिभिन्न क्षेत्रको स्वदेश तथा विदेशमा बिभिन्न माध्यमबाट प्रचारप्रसार गर्दै हिड्ने काममा लाग्दै आएका थिए ।

आफ्नै खर्चमा देश विदेशका बिभिन्न स्थानमा गई बुद्ध, लुम्बिनी लगायतका विषयमा फोटो तथा वृत्तचित्र प्रदर्शन गर्दै प्रचार गर्नु उनको अभियाननै बन्दै गएको थियो । जुन सुकै माध्यमबाट प्रर्यटन प्रवद्र्धन गर्नु उनको उद्धेश्य हो । उमेरले तिन २० पुगिसकेका पन्त लुम्बिनी तथा बुद्ध जिवनीमा आधारित क्षेत्र तथा चराचुरुंगी र पर्यावातावरणको समाचारका लागि खुल्ला किताबका रुपमा रहँदै आएका छन् । उनि ति विषयका लागि समाचार श्रोत पनि हुन् ।

बुद्ध, लुम्बिनी, पर्यटन जस्ता विषयको प्रवद्र्धनका लागि भने पछि कहिले पनि पछि नपर्ने र सहकर्मीहरुलाई खोजीखोजी गर्नु पर्छ, हामीले नगरे कसले गर्छ, कर्म गर फलको आशा नगर भन्ने पन्त दाईलाई गत चैत महिनामा स्वास्स्थय परीक्षण गर्दा मुखको क्यान्सर जस्तो गम्भिर रोग रहेको थाहा भएको थियो ।

हामी एक धार्मिक भ्रमणका क्रममा गत चैतमा भारतको बिभिन्न क्षेत्रमा थियौं र फिर्ता आउँदा बिएचयु (बनारस विश्व विद्यालय) मा नियमित परीक्षणका लागि गएका थियौं र त्यही क्रममा चिकित्सकले मुखको माथिल्लो भाग (नाक)को बायाँ पट्टी मासु पलाएको र क्यान्सर हुन सक्ने चिकित्सकले बताएका थिए, पन्त दाईकी पत्नी गंगा भाउजुको भनाई थियो ।

चिकित्सकको कुरा सुन्दा त सुरुमा विश्वासै लागेन, किनकी त्यस अघि मुखमा सानो घाउ आउँदा भारत गुणगावको मेदान्ता अस्पतालमा परीक्षण गर्दा केही नभएको रिपोर्ट आएको थियो, त्यसैले विश्वास लागेन । पछि आफैले मुखमा छुदा मासु बढेको जस्तो देखियो, गंगा भाउजुले बताइन् । घर फिर्ता आए पछि केही दिनमै उहाँ बनारस जानु भयो र क्यान्सर रहेको प्रष्ट भयो । ‘‘तत्कालै उपचारमा लाग्नु पर्ने र ढिला गरे जे पनि हुन सक्ने चिकित्सकले बताएपछि बनारसमा वैशाखमै गएर उपचारमा लाग्यौं, नेपालको अस्पतालमा तत्कालै शल्यक्रिया संभव पनि नहुने र समय पर्खदा जे पनि हुुन सक्ने भएकाले बनारसमै उपचार गर्ने निर्णय ग¥यौं’’ । पन्त भाउजुले बताइन् ।

पन्त दाई त्यस्तो कुनै अम्बलि पनि होइनन्, नत मदिरानै पिउथे । तर स्वास्स्थयका बारेमा सधै सचेत रहन्थे । कहिलेकाही पानपराग र सुपारीका एक दुई टुकडा चपाउथे । तर त्यसरी कहिल्यै पनि दाईले धेरै पान पराग, गुटखा मदिरा खाएको कहिल्यै देखिएन । नत उहाँमा धुम्रपानकै अम्बल थियो । न त परिवारका कुनै सदस्य पूर्वजहरुमा क्यान्सर नै भएको थियो । सबै अचम्ममा छन् पन्तदाईलाई कसरी क्यान्सर भयो भनेर । अहिले शल्यकृया पछि भैरहवा आफ्नै घरमा स्वास्थ्य लाभ गरिरहेका पन्तदाईको स्वास्थ्यमा सुधार आएको छ । शल्यकृया पछि दाईको मुहार नै फेरिएको छ । सुरुमै शल्यकृया पछि किमो दिनु नपर्ने भन्ने थियो । तर चिकित्सकले कुनै खतरा लिन चाहेनन र उनिहरुले ५ वटा किमो पनि दिए र त्यसै बिच रेडियो थेरापी पनि भयो ।

दाईको स्वर अझै राम्ररी फुटेको छैन् । एक हप्ता अघि थप परीक्षण पछि घर आएका दाईले मोबाइलमा लेखेर देखाउदै भने, अब कोजाग्रत पूर्णिमाको दिन फेरी फलोअपका लागि बोलाएको छ, पहिला भन्दा धेरै सजिलो महशुस गरेको छु, आशा छ छिटै सञ्चो भएर नियमित काममा फर्कनेछु । दाईलाई अझै राम्ररी बोल्न मिल्दैन, मुखको शल्यकृयाका क्रममा माथिल्लो भागका आधा दर्जन दाँत निकालिएका छन्, अझै ६ महिना लाग्छ दाँत राख्न, दाईले ईशारा गर्दै बताए ।

हिम्मत र आत्म विश्वास बलियो बनाएका कारण नै दाई दिनदिनै तँग्रिंदै छन् । ‘‘बुवामा यति आत्मविश्वास बलियो थियो की किमो चढाउने काम सकेर अस्पतालबाट हामी बसेको घर (१ किलोमिटर) सम्म पैदलै आउनु भयो जादा पनि पैदलै हामी भन्दा पनि जोशका साथ हिड्नु हुन्थ्यो अहिले पनि त्यो जोश कायमै छ ।’’ बुवाको, दाईका जेष्ठ छोरा उत्सबले भने ।

पन्त परिवारका अनुसार अहिलेसम्म उपचारमा २० लाख बढी खर्च भइसकेको छ । बिरामी भए पछि अप्ठयारो पर्दो रहेछ, अझै क्यान्सर जस्तो रोग त कसैलाई नलागोस् गंगा भाउजुले आँखा रसिलो गरी बताउँदा यो समाचारदाताले पनि रसाएका आफ्ना आँखा औलाले मिचेका थिए ।
उपचारका लागि अहिलेसम्म कसैसित सहयोगको याचना नराखेका पन्तदाई अहिले भने प्रदेश सरकारले गंभिर प्रकृतिका बिरामी (मृगौला, मुटु रोग र क्यान्सर) लाई एक पटकका लागि २ लाख रुपैयाँ दिने भनेको सुनेको जनाउँदै प्रकृया के छ बुझिदिन आग्रह गरेका छन् । लामो समयसम्म पत्रकारिता तथा पछिल्लो समय लुम्बिनीका प्रचारक एवं अभियान्ताका रुपमा रहेका पन्तदाईलाई पत्रकारिता सम्बद्ध संघसस्था कसैले पनि आर्थिक त परै छाडांै उपचार कसरी भइरहेको छ भनेर सोधेका समेत छैनन् । पन्तदाईलाई पैसा भन्ँदा पनि मायाको खाँचो हो । जुन मायाले बिरामीलाई उर्जा, हिम्मत र आत्मविश्वास बलियो बनाउन मद्धत गर्छ ।

पैसाको पछि कहिले नदुगुरेका दाईलाई मायासंगै सकेको सहयोग गर्न आवश्यक छ । पन्तदाई हामी पत्रकारका लागि अभिभावकका रुपमा पनि रहेका छन् । यो समाचार दाताले पन्तदाईसंग समाचार सङ्कलनका क्रममा धेरै स्थानमासंगै गएका छन् । दुई पटक थाईल्याण्ड र एक पटक श्रीलंका पन्त दाईसंगै गएका समाचार दाता भारत र नेपालका धेरै ठाउँसंगै गई समाचार बटुलेको स्मरण छ । २०७८ सालमा पन्तदाई सित सल्लाह गरी संगै पोखरा जाने भनि कुरा भएको थियो र सिड मनि भनि ५ हजार रुपैयाँ छुट्याएका पनि थियौं । आशा छ दाई छिटै पूर्ण रुपमा सञ्चो भई पोखरा भ्रमण गर्नेछौं, पोखराका लागि छुट्याएको पैसा म सित सुरक्षित छ दाई छिटो निको हुनु । शिघ्र स्वास्थ्य लाभको कामना दाई ।
(चेतन पन्त न्यूज ओकेका सल्लाहकार सम्पादक समेत हुन्)