लायन्स अन्तर्राष्ट्रिय ३२५ ‘पि’ द्वारा भिम अस्पताललाई युएसजी र इसिजी मेसिन प्रदान

श्रीन्यूज ओके रिपोर्टर,भैरहवा

लायन्स क्लब अन्तर्राष्ट्रिय डिस्ट्रीक ३२५ ‘पि’ द्वारा रुपन्देही जिल्ला अस्पताल भैरहवाको भिम लाई युएसजी एकथान र २ वटा इसिजी मेसिन प्रदान गरेको छ। युएसजी भनेको भिडियो एक्सरे मेशिन र इसिजी भनेको मुटको जाच गर्ने उपकरण हो ।

शनिवार अस्पतालमा आयोजित कार्यक्रममा सम्बिधान सभा सदस्य एव पुर्ब गृहमन्त्री बालकृष्ण खाणले अस्पतालका उपकरण राखीएको कक्षको उदघाटन गरे । मेडिकल उपकरण हस्तान्तरण एवं कक्षको उदघाटन गर्दै पुर्ब गृहमन्त्री खाणले लायन्स क्लबले स्वास्थ्य क्षेत्र होस वा अन्य दैबी प्रकोप वा सामाजिक काममा लायन्स अग्रणी स्थानमा रही काम गरेको र अन्य सस्थाले पनि लायन्स हरुको कामको सिको गर्नु पर्ने बताए । खाणले सबै मिलेर भिम अस्पताललाई नेपालकै नमुना सरकारी अस्पतालको रुपमा अघि बढाउनु पर्ने मा जोड दिए ।प्रदान गरीएको उपकरणले अस्पतालमा उपचारका लागि आउनेहरुलाई सहज हुने उन्को भनाइ थियो । लायन्सले अस्पतालाई लाई उपकरण दियो अब उपकरण चलाउने र खपाउने जिम्मेवारी अस्पतालको हो, उन्ले भने ।

प्रदेश सभा सदस्य सन्तोष पाण्डेले सबैको सहयोगले अस्पतालमा पुर्बाधार साथै मेडिकल उपकरण प्राप्त भैरहेको बताए । लायन्स क्लब संग सहकार्य गर्न आफू सदैब तयार रहेको बताउदै अस्पतालमा सिटि स्क्यान मेसिन सेवा संचालनका लागि आफुले पहल गरेको र मेशिन समेत आईसकेको बताए ।

हस्तान्तरण कार्यक्रममा सिद्धार्थ नगर नगर पालिकाका उप प्रमुख उमा अधिकारीले नगर पालिकाले पनि अस्पतालको सेवा सुधारका लागि सहयोगमा सदैब तयार रहेको बताइन । अस्पतालको सेवा सुबिधा लिन उन्ले सबैमा आग्रह गरिन।

लायन्स क्लब अन्तर्राष्ट्रिय डिस्ट्रीक ३२५ पि का डिस्टिक गभर्नर नवराज न्यौपानेले अस्पतालमा सेवाग्राहिको चाप बढ्दै जादा सिमित उपकरणले सेवा प्रदान गर्न अलि कठिनाइ भएको र बिरामिले कुर्नु पर्ने बाध्यता समेत देखिएकोले क्लबले कोभिड १९ रिलिफ ग्रान्ट अन्तर्गत मेडिकल उपकरण सहयोग गरेको बताए । क्लबले ३ थान उपकरण सहित आवस्यक अन्य फर्निचर उपकरण रहेको युएसजी र इसिजी कक्ष हस्तान्तरण गरेको हो । मेडिकल उपकरण, फर्निचर, तथा अन्य उपकरण एसि सहित जडान गरि कुल खर्च ४० लाख रुपैयाँ रहेको न्यौपानेले बताए ।

अस्पतालका अध्यक्ष नारायण भण्डारीले अस्पतालमा माग गरे आनुसारनै उपकरण प्राप्त भएको बताए । युएसजि मेसिन एक वटा मात्रै हुदा सेवा उपलब्धमा चुनौती थियो, अब बढी सेवाग्राहीले सेवा पनि पाउनेछ्न भने अस्पतालको आम्दानी पनि बढने छ, अध्यक्ष भण्डारीले भने । अस्पतालले आफ्नै आन्तरिक श्रोतबाट २ जना रेडियोलोजिस्ट चिकित्सक दरबन्दी रहेको र प्राप्त उपकरणको सदुपयोग हुने उन्ले बताए ।
अस्पतालका मेडिकल सुपरिटेन्डेन्ट डा. सकुन्तला गुप्ताले युएसजी मेसिन एक थान मात्र हुदा सेवा प्रवाह मा अप्ठ्यारो भएको, कहिले काहीँ मेसिन बिग्रदा सेवा नै दिन नसक्ने अवस्था समेत थियो , अब यो उपकरण प्राप्त भए पछि सेवा प्रवाह निर्वाध हुने बताइन ।
लायन्स इन्टरनेसनल ३२५ पि का अर्जुन मान सैजुले अस्पतालको आवश्यकता र माग भए अनुसार मेडिकल उपकरण प्रदान सहयोग गरेको र सफल ब्यवस्थापनको जिम्मेवारी अस्पताल बिकास समितिको रहेको बताए ।

अस्पतालमा अहिले एक युसिजी मेसिन बाट दैनिक ४० जना सम्मको भिडियो एक्सरे हुने गरेको रेडियोलोजिस्ट डा. अम्बिका पोखरेलले बताइन ।लायन्स क्लब अन्तर्राष्ट्रिय ३२५ बि टु का पुर्ब गभर्नर एव अग्रज लायन्स अरुण प्रताप राणाले बिगतमा पनि लायन्स क्लबले यो अस्पताललाई ६ लाख रुपैयाँ मुल्यको इनलाइजर मेसिन प्रदान गरेको बताए ।

अस्पतालमा अहिले एक युसिजी मेसिन बाट दैनिक ४० जना सम्मको भिडियो एक्सरे हुने गरेको रेडियोलोजिस्ट डा. अम्बिका पोखरेलले बताइन ।