टुगाद्वारा तीज कार्यक्रम सम्पन्न

• श्रीन्यूज ओके रिपोर्टर
  भैरहवा, २४ भाद्र ।

टुगा आस्था विकास बचत तथा ऋण सहकारी संस्था लि. ओमसतिया–१, रुपन्देहीको आयोजनामा हरितालिका तीजको अवसरमा तीज विशेष कार्यक्रम ओमसतिया–१, कटैयामा महिला सेयर सदस्यलाइ लक्षित गरेर सम्पन्न गरेको छ ।

महिला सशक्तिकरण उपसमितिको संयोजनमा उपसमिति संयोजक लक्ष्मी देवी के.सी.को अध्यक्षता, जिल्ला सहकारी संघ रुपन्देहीका महिला उपाध्यक्ष एवम् सहकारी अभियन्ता टिका न्यौपानेको प्रमुख आतिथ्यता र संस्था अध्यक्ष डी.बि. थापाको विशिष्ट आतिथ्यतामा कार्यक्रम भएको हो ।

प्रमुख अतिथि न्यौपानेले सहकारी संस्थाबाट लिएको ऋण उचित स्थानमा प्रयोग गर्न सकियो भने ऋणको सदुपयोग हुने हुदाँ सदस्य र संस्थालाइ समस्या नपर्ने बताउँदै टुगा आस्था विकास साकोस महिला सदस्यहरुको महिलाको सशक्तिकरण र व्यक्तित्व विकास गर्न सहयोग आवश्यक भएमा आफू सधैँ तयार रहेको बताइन् तीज पर्वलाइ ज्यादै भडकिलो र खर्चालु नबनाई परम्परा संस्कृति जोगाउँदै आफ्नो हैसियत अनुसार मनाउनु आग्रह गरिन् ।

कार्यक्रममा नयाँ सदस्य बन्नेलाई उपहारसहित स्वागत गरिएको थियो । संस्था अध्यक्ष थापाले तीज पर्वको शुभकामना व्यक्त गर्दै संस्थाले सदस्यलाइ दिई राखेको सेवा सुविधाहरुकोबारे स्मरण गराएका थिए । प्लास्टिकजन्य झोला प्रयोगलाई दुरुत्साहन गर्न सांकेतिक स्वरूप सहभागीलाई कपडा झोला वितरण गरिएको थियो ।

कार्यक्रममा अतिथि कलाकार दिपु मगर र बिष्णु ठडराईले तीज विशेष कार्यक्रमलाइ आफ्नो गायनकलाद्वारा मनोरन्जन गराएका थिए । महिला सशक्तिकरण उपसमिति सदस्य रेखा खनालको स्वागत मन्तव्य र संचालक शशिकला गुरुङको रहेको थियो ।