श्रीन्यूज ओके रिपोर्टर
भैरहवा ।
बिहान ११ बजे देखी हराएकी तिलोत्तमा १३ सेमरी गाउँकी ३ बर्षीय बालिका खुसी भुषाल फेला परेकी छिन् । उनी छिमेकीको एक घरको तेश्रो तलाको सिढी(भरेंग)मा निदाएको अवस्थामा फेला परेको परिवारका सदस्यले बताए ।
हामीले नानी कता गईछ भन्दै वरपर खोज्यौ, बिहान ११ बजे तिरको कुरा हो, घर भित्र नदेखे पछि खोजी भयो । भित्र बाहिर, वरपर चारै तिर खोजबिन गर्दा कतै फेला पानै सकेनौ, पछि करीब २ बजे तिर खोज्दै छिमेकका घरको तेश्रो तलाको सिढीमा सुतेको अवस्थामा फेला पार्न सफल भएको परिवारका एक सदस्यले फोनमा बताए ।
बालिका हराएको घटना थाहा पाएपछि खोजबिनका लागी प्रहरी खुसीको घर तर्फ जादा परिवारजनले बालिका फेला परेको बताएको रुपन्देहीका प्रहरी प्रमुख तथा प्रहरी उपरिक्षक प्रबिण पोखरेलले बताए ।
बालिका हराएको खबरले चिन्तित भएका सबै शुभेच्छुक एवं खोजबिनमा सहयोग गर्ने सबैमा परिवार जनले खुसी व्यक्त गरेका छन् ।
Get real time update about this post categories directly on your device, subscribe now.
