घनश्याम भूसाल निर्वाचनमा उठने तयारी

• भैरहवा

मङ्सिर ४ गते हुने निर्वाचनमा पार्टीले टिकट बाट बन्चित गरेपछि नेकपा एमाले परित्याग गरेका घनश्याम भूसालले स्वतन्त्र रुपमा निर्वाचनमा उठने तयारीमा जुटेका छन् । भूसालले रुपन्देही क्षेत्र नम्बर १ बाट स्वतन्त्र उम्मेदवारी दिने तयारी गरेको बुझिएको छ । क्षेत्र नम्बर १ मा भूसालको गहनगर मणिग्राम पनि रहेकोले उन्ले सुरु देखिनै उक्त क्षेत्रबाट निर्वाचन लडने मनसाय बनाएका थिए । तर पार्टीमा उन्को नाम क्षेत्र नम्बर ३ बाट मात्रै सिफारीस भएको थियो । पार्टीले क्षेत्र नम्बर ३मा पनि गठबन्धनका नाममा रामप्रालाई छाडने निर्णय लिएपछि निर्वाचनमा टिकट बाट बन्चित भएका थिए उनि । भूसाल रुपन्देही क्षेत्र नम्बर ३ बाट २०७४को निर्वाचनमा निर्वाचित भएका थिए ।

रुपन्देही–१ बाट पार्टीले छविलाल विश्वकर्मालाई उम्मेदवार बनाउने निर्णय गरेको छ । विश्वकर्माले २०७४को निर्वाचनमा यसै क्षेत्रबाट    बिजयी भएका थिए ।

पार्टीले टिकट नदिएपछि शनिवारमात्रै पार्टी परित्याग गरेका भूसालले क्षेत्र नम्बर १ बाट स्वतन्त्र रुपमा निर्वाचनमा उठने र भूसाललाई सो क्षेत्रमा सत्तारुढ पाँच दलीय गठबन्धनले सघाउने भएको बुझिएको छ ।यद्यपी सत्तारुढ गठबन्धनका अनुसार रुपन्देही १ नेकपा माओवादी केन्द्रको भागमा परेको छ ।

माओबादी केन्द्रले सो क्षेत्रबाट नेता बामदेब क्षेत्रीलाई उम्मेदवार बनाउने निर्णय गरेको छ । तर माओबादी केन्द्र पनि भूसाल उठने भए क्षेत्रीलाई नउठाउने निर्णय गर्ने श्रोतले जनाएको छ । भूसाल र एमालेका अर्का नेता भिम रावललाई सत्ता गठबन्धनले आफुहरु सित मिलेर निर्वाचनमा जान आग्रह गरेको बुझिएको छ ।