‘‘ समय दिनुहोस्, हामी ऋण तिर्छाैं’’

मनोरञ्जन शर्मा
भैरहवा।

सरकारले उद्योगी व्यवसायीलाई हेर्ने दृष्टीकोणमा परिवर्तन आउन नसकेको भन्दै पौष मसान्त भित्र ठोस् निर्णय लिन उद्योगी व्यवसायीहरुले पुनः आग्रह गरेका छन् । उनिहरुले कोरोना भाइरसको संक्रमणका कारणले उद्योग व्यवसायहरु धरासायी बन्दै गइरहेकोले अब उद्योगी व्यवसायीका समस्याहरु राज्यले सम्बोधन नगरे मुलुक गम्भिर आर्थिक दुर्घटनामा पर्ने बताएका छन् ।

नेपालकै जेष्ठ मध्येको नीजि सस्था सिद्धार्थ उद्योग वाणिज्य संघ रुपन्देहीले आयोजना गरेकोे आठांै लुम्बिनी राष्ट्रिय महोत्सवको समापन समारोहमा उद्योगी व्यवसायी सम्बद्ध व्यक्तिहरुले सो भनाई राखेका हुन् । नेपाल उद्योग वाणिज्य महासंघका पूर्व अध्यक्ष एवं उद्योगी पशुपति मुरारकाले वर्तमान समयमा अर्थतन्त्र चलायमान बनाउँ सरकारले तत्कालै नीजि क्षेत्रमैत्री निर्णय गर्न जरुरी रहेको बताए ।

अहिले बैंकहरुको एक पक्षीय कार्यले देशको समग्र अर्थतन्त्रलाई प्रभाब पार्ने कार्य भइरहेको छ, सरकार, बैंक, बैंकरको चाहना ८० प्रतिशत उद्योगी व्यवसायी कालो सूचिमा परोस् भन्ने चाहना बोकेकै हो भने ठिकैछ, मुलुकमा आर्थिक दुर्घटना घट्यो भने उहाहरुनै जिम्मेवार हुनु पर्छ, पूर्व अध्यक्ष मुरारकाले भने । अहिलेकै अवस्थामा पुष महिनामा सावाको कुरा छाडांै ब्याज तिर्ने पैसा समेत छैन् । बढी बिक्री हुने भनिएको खाद्यान्नको व्यापार २५ प्रतिशत खस्केको छ, सिमेन्ट छडको ७० प्रतिशत गिरावट आएको छ, अटोको व्यापार त्यस्तै छ, मुरारकाले भने । हामीलाई अप्ठ्यारोमा पारेर सरकार खुसी होला जस्तो लाग्दैन, पुष मसान्त भित्र एडभान्समा निर्णय आओस् हामी प्रतिक्षामा छौं, उनले थपे ।

हामी बैंकहरुबाट लिएको ऋण तिर्छौं, नतिर्ने भनेका छैनांै, लिएको ऋण भन्दा बढी कोल्याटर (धितो) छ, त्यसैले मौका दिनु होस्, बाटो देखाउनु होस्, हामी नकारात्मक कहिल्यै सोच्दैनांै, मुरारकाले भने ।

मुरारकाले आर्थिक रुपमा वर्तमान असहज समयमा पनि सिद्धार्थ उद्योग वाणिज्य संंघले लुम्बिनी राष्ट्रिय महोत्सव आयोजना गरी आर्थिक क्षेत्रलाई चलायमान बनाउन गरेको प्रयास सह्रानीय रहेको बताए । उनले महोत्सवमा कतिको व्यापार भयो, कतिले अवलोकन गरे भन्नु ठूलो कुरा नभएको भन्दै महोत्सवले स्वदेशमा उत्पादन भएका वस्तुहरुको बजारीकरण तथा प्रवद्र्धन भएको र अचार बनाउने, चुरा पोते बनाउने तालिम समेत गरी महिला उद्यमी जन्माउन सफल हुनु ठूलो कुरा रहेको बताए ।

नेपाल उद्योग वाणिज्य महासंघ लुम्बिनी प्रदेशका अध्यक्ष कृष्ण प्रसाद शर्माले कोरोनाका कारण आक्रान्त व्यवसायी, उद्योगीहरु निकै समस्यामा रहेको बताउँदै अब निश्चित समय दिएर थप ऋण लगानी तथा पुनरकर्जा उपलब्ध गराउन ढिला गर्न नहुने र उद्योग व्यबसाय बचाउने हो भने पुष भित्रै सरकारले उद्योग व्यवसायका क्षेत्रमा ठोस निर्णय गर्नु पर्ने बताए । व्यवसायी रोएको राजनैतिक दलले देख्न नसक्नु बिडम्बना भएको भन्दै यस्तो चुनौती समस्या आउँदा पनि दलहरुले उद्योगी व्यवसायीको पक्षमा मुख नखोल्नु दुखको कुरा भएको बताए ।

संबिधान सभा सदस्य आदित्य नारायण कशौधनले अर्थतन्त्र चलायमान गराउन आर्थिक क्षेत्र केन्द्रित कार्यक्रम ल्याउनु पर्ने र यस्ता महोत्सव मेलाले अर्थतन्त्र उकासिने बताए । सिद्धार्थ उद्योग वाणिज्य संघका अध्यक्ष भिष्म न्यौपानेले पैसा कमाउन भन्दा पनि वर्तमान समयमा बजारलाई चलायमान बनाउन लुम्बिनी महोत्सव आयोजना गरिएको बताए ।

कार्यक्रममा रुपन्देही क्षेत्र नम्बर ३ क का प्रदेश सभा सदस्य सन्तोष पाण्डेय, लुम्बिनी बिकास कोषका उपाध्यक्ष भिक्षु मेत्ता, उद्योग बाणिज्य महासंघका केन्द्रीय सदस्य राजेश कुमार अग्रवाल, बुटवल उद्योग वाणिज्य संघका अध्यक्ष उज्ज्वल कसजु, उद्योग व्यापार संगठन रुपन्देहीका अध्यक्ष अनिल ज्ञवाली, सिद्धार्थ उद्योग वाणिज्य संघका पूर्व अध्यक्ष बिष्णु प्रसाद शर्मा, वरिष्ठ उपाध्यक्ष ठाकुर श्रेष्ठ, महासचिव बिजय पाण्डे लगायतले महोत्सवको आयोजनाले बजार चलायमान बनाउन मद्धत पुगेको बताए ।

मंसिर २३ गतेदेखि सुरु भएको महोत्सवमा कृषि, खाद्य, तयारी पोशाक, छाला तथा फेन्सी जुत्ता, घरेलु सामाग्री, फर्निचर, होम अपलायन्स, अटो, जडिबुटी, दलहनतेलहन, शिक्षा, बैंक तथा वित्त, बीमा, स्वास्थ्य, शैक्षिक परामर्श, रेष्टुरेन्ट लगायत गरी २५० स्टलहरु रहेको र २ लाखले अवलोकन गरेको संघका सदस्य एवं प्रचारप्रसार उपसमिति संयोजक कृष्ण प्रसाद घिमिरेले बताए ।