लायन्स लोटस, टुलिप, भैरहवा र रेडक्रस रुपन्देही द्धारा मर्चवारमा सहयोग

• श्रीन्यूज ओके रिपोर्टर/ भैरहवा

सामाजिक क्षेत्रमा कृयाशिल रहेका भैरहवाका ३ वटा लायन्स क्लव र नेपाल रेडक्रस सोसाइटी रुपन्देही शाखाले संयुक्त रुपमा रुपन्देहीको मर्चवारमा सहयोग प्रदान गरेका छन् ।

लायन्स क्लब अफ सिद्धार्थनगर लोटस, लायन्स क्लब अफ सिद्धार्थनगर टुलिप, लायन्स क्लब अफ भैरहवा र नेपाल रेडक्रस सोसाइटी रुपन्देही शाखाको सँयुक्त आयोजनामा कोटहिमाई गाँउपालिका वार्ड १ लालबिहारी माध्यमिक बिधालय मर्चवारमा गाँउ पालिकाका अति बिपन्न २५ घर परिबारलाई खाद्यान्न , सिरक, कम्बल, त्रिपाल तथा विभिन्न सामग्री सहयोग गरेको लायन्स क्लव अफ सिद्धार्थनगर लोटसकी अध्यक्ष दुर्गा आचार्यले बताईन् ।
सहयोग प्रदान कार्यक्रममा प्रमुख अतिथी अतिथी स्ट्राटेजी चिफले जहा अप्ठेरो दुख त्यहा लायन्स क्लव पुग्ने गरेको भन्दै चिसो मौसममा केही भए पनि राहत पुग्ने बताए ।
लायन्स क्लब अफ सिद्धार्थनगर लोटसका अध्यक्ष दुर्गा आचार्यको सभापतित्व, सचिब पार्बती अधिकारीको सञ्चालन लायन्स क्लब अफ सिद्धार्थनगर टुलिपका कार्यवाहक अध्यक्ष माया सारु मगरको स्वागत मन्तव्य र कार्यक्रम माथि प्रकाश र टुलिपका सचिब निर्मला श्रेष्ठले ध्वजा अभिवादन गरेकी थिईन् ।