भिडिजीका उम्मेदवार नवराज न्यौपानेकोको समर्थनमा लायन्स क्लबहरु
- भैरहवा
लायन्स क्ल अफ सिद्धार्थनगरका पूर्व अध्यक्ष नवराज न्यौपानेले वर्ष २०२१–२२ का लागि लायन्स क्लब डिस्ट्रिक ३२५ बि –२ को सेकेण्ड भाइस डिस्ट्रिक गभर्नर (भिडिजी) पदमा उम्मेदवार दिएपछि उनको समर्थनमा प्रायः सबै लायन्स क्लबहरु देखिएका छन् । डिस्ट्रिक ३२५ बि –२ को नवांै डिस्ट्रिक कनभेन्सन यही चैत्र २८ गते हेटौडामा हुँदैछ ।
न्यौपाने लायन्स क्लब डिस्ट्रिक ३२५ बि –२ क्षेत्र ४(एरिया चार)का तर्फबाट आधिकारीक उम्मेदवार हुन् । उनलाई एरिया–४ को आधिकारिक बैठकले वर्ष २०२१–२२का लागि सेकेण्ड भाइस डिस्ट्रिक गभर्नर (भिडिजी) पदमा उम्मेदवार उठाउने निर्णय गरेपछि एरिया ४ मात्र मात्रै नभई देशैभरी ३२५ बि–२ मा आबद्ध लायन्स क्लबहरुले समर्थन गर्ने क्रम बढीरहेको लायन्स क्लब अफ सिद्धार्थनगरका अध्यक्ष नेत्र प्रसाद आचार्यले बताए । एरिया ४ ले निर्णय गरेर आधिकारीक उम्मेदवार बनाएको र अन्य क्लबहरुको पनि समर्थन रहेकोले जित सुनिश्चित रहेको आचार्यको भनाई छ । काठमाडांै, बिरगञ्ज, हेटौडा, पाल्पा, कपिलवस्तु, परासी, भैरहवा, बुटवल, नेपालगन्ज, सुर्खेत, लम्की, धनगढी लगायतका दर्जनौ शहरका लायन्स क्लबले न्यौपानेको उम्मेदवारीमा समर्थन जनाउँदै प्रतिवद्धता जाहेर गरेको आचार्यको भनाई छ ।
डिस्ट्रिक ३२५ बि –२ अन्तरगत काठमाडौंका केही लायन्स क्लबहरु र बाँकी क्लबहरुमा बिरगञ्जदेखि पश्चिम महेन्द्रनगरसम्मका लायन्स क्लबहरु छन् । पहाडी जिल्ला पाल्पा पनि ३२५ बि –२ मै पर्दछ । डिस्ट्रिक कनभेन्सनले सेकेण्ड भिडिजी निर्बाचित गर्ने छ । अहिले निर्वाचित हुने सेकेण्ड भिडिजी रोलक्रम अनुसार वर्ष २०२३–२४ को गभर्नर पदमा आसिन हुन्छन् ।
निर्वाचनमा प्रत्येक शाखाबाट प्रत्येक १० सदस्य बराबर एक मत अधिकार हुन्छ । जसमा अध्यक्ष, सचिव र कोषाध्यक्षले अनिवार्य मत हाल्नु पर्छ । त्यसै गरी हालै स्थापना भएका नयाँ क्लबहरुको भोटिङ्ग राइट १ वटा मात्र हुन्छ । सेकेण्ड भिडिजीका उम्मेदवार न्यौपानेले आफूले गभर्नर भए पश्चात प्राप्त गर्ने भत्ता तथा सुबिधा वापतको सबै रकम आफूले नलिई लायन्स अभियानलाई नै समर्पण गर्ने र निकट भविष्यमा लायन्स क्लबको हुन गइरहेको जिल्ला विभाजन पछि बन्ने नयाँ डिस्ट्रिकका लागि आवश्यक नयाँ सचिवालय भवन निर्माण तथा अन्य पूर्वाधार निर्माणमा समेत एक आर्थिक वर्षको आफ्नो आम्दानी बराबरको रकमको योगदान गर्दै लायन्स क्लब माध्यमबाट सामाजिक सेवामा निरन्तर खटिरहने बताएका छन् ।
Get real time update about this post categories directly on your device, subscribe now.
