नेपाली काँग्रेस सिद्धार्थनगर सभापतिमा राजकुमार गुप्ताको दावेदारी

• भैरहवा ।
  

  ---

नेपाली काँग्रेस सिद्धार्थनगर समितिको सभापतिमा राजुकमार गुप्ताले उम्मेदवारीको दावेदारी गर्दै घोषणा गरेका छन् । वर्तमान कोषाध्यक्ष समेत रहेका गुप्ताले सामाजिक सञ्जाल मार्फत आफु नगर सभापतिको उम्मेदवार हुने घोषणा गरेका हुन् ।

नेपाली कांग्रेसको केन्द्रीय अधिवेशनका क्रममा जिल्ला नगरमा समेत नयाँ नेतृत्व चयन हुँदैछ । गुप्ताले काँग्रेस र प्रजातन्त्र प्रति आस्थावान सम्पूर्ण नगरबासीमा आग्रह गर्दै बीपी बाबुको प्रजातान्त्रिक सोच, गणेशमान, किशुनजी, सुवर्ण शमशेरको साथ संगठन र अथक परिश्रमले स्थापित र सयौं सपुतको बलिदानी रहेको कांग्रेस पार्टीलाई २१ औँ शताब्दीमा थप क्रियाशील, सुशुचित बिभिन्न प्रविधिका माध्यमलाई प्रयोग गर्दै नयाँ युवा पुस्तालाई समेत पार्टी प्रति आकर्षित गराउन जरुरी रहेको बताएका छन् ।

गुप्ताले युवाहरुलाई कसरी अघि बढाई पार्टीलाई संगठित बनाई अघि बढ्ने भन्ने योजना आफुसँग रहेको बताउँदै पदिय जिम्मेवारीबाट योजनाहरु कार्यान्वयनमा ल्याउन थप सहजता आउने शत प्रतिशत विश्वासले यसपटक नगर सभापतिको दाबेदारी रहेको बताए ।

गुप्ताले आफुलाई सहयोग गर्न सम्पूर्ण क्रियाशील सदस्यहरुसँग आग्रह समेत गरेका छन् । गुप्ताले नगर सभापतिमा दाबेदारी गरेपछि नगरभित्र चर्चा छाएको छ । नगर सभापतिमा उम्मेदवारी दाबेदारी गर्ने गुप्ता पहिलो हुन् । नगर सभापतिका लागि अन्य ७ जना भन्दा बढीले पनि आकांक्षा गरे पनि खुलेर उम्मेदवार हो भनि भनेका छैनन् ।

सभापतिमा दाबेदारी गर्ने गुप्ता सिद्धार्थनगरका युवा पुस्ता माझ चर्चित एवम् लोकप्रिय छन् । उनि रोटरी क्लब अफ भैरहवाका संस्थापक अध्यक्ष समेत हुन् । जेसिआई सिद्धार्थ लगायत बिभिन्न सामाजिक संघसस्थामा समेत उनको संलगनता छ ।

अन्य आकांक्षीहरुमा कोशिष खड्का, सञ्जिव शर्मा रेग्मी, लेखनाथ भट्टराई, तिलकराम ज्ञवाली, गोबिन्द बस्याल, यम बहादुर राना, गोपाल राजभण्डारी लगायत छन् । वर्तमान सभापति दिलिप धिताल मौन छन् ।

याे पनि पढ्रनुहाेस्  सियारी–७ मा काँग्रेसद्वारा दीप प्रज्वलन…