- न्यूज ओके रिपोर्टर
भैरहवा ।
जेसिआई सिद्धार्थ लेडिमा विवाद बढ्दै गएको छ । पुस १६ गते २५औं साधारण सभाबाट वर्ष २०२२ को लागि नया नेतृत्व चयन गर्ने कार्यक्रम थियो । अध्यक्षका लागि गत वर्षनै प्रकृति उप्रेतीको नाममा सहमती गरिएको थियो । तर १६ गते अध्यक्षमा गिता गैरे बन्जाडे लगायत ५ जनाले निर्वाचन समितिमा दरखास्त हाले पछि विवाद श्रृजना भएको थियो । विवादै विवादका बिच सहमतीको प्रयास गरी अध्यक्षमा दरखास्त हाल्ने २ जना बाहेक सबैलाई उम्मेदवारी फिर्ता लिन लगाई अन्तमा २ उम्मेदवार गिता गैरे बन्जाडे र प्रकृति उप्रेतीको मात्र उम्मेदवारी बाँकी भएको थियो । निर्वाचन अधिकृत गिता श्रेष्ठले उप्रेतीलाई विधान अनुसार उमेर हदबन्दीका कारण अध्यक्ष हुन नसक्ने भनेपछि बिबाद थप चुलिँदै जाँदा सदस्यहरुले सबै कागजपत्र च्याताच्यात गरेपछि साधारण सभानै स्थगन गरी माघ ५ गतेलाई नयाँ मिति तोकिएको थियो । उप्रेति पक्षधर पूर्व अध्यक्ष लगायत बहुसंख्यक सदस्यहरुले गतवर्षको सहमती अनुसार हुनुपर्ने माग राख्दै आएका थिए । गत वर्ष २०२१ का लागि अध्यक्ष निर्र्वाचित हुनु पूर्व भएको सहमतीमा वर्ष २०२२ का लागि अध्यक्षमा प्रकृति उप्रेतीलाई अध्यक्ष बनाउने सबैले लिखित सहमती गरेको र प्रायः सबैले सहमती पत्रमा हस्ताक्षर गरेका थिए ।
माघ ५ गते पनि पिस नाइट पार्टि प्यालेसमा कुनै सहमति जुटन सकेन् । निर्वाचन अधिकृत गिता श्रेष्ठले आफूले विधान विपरित काम गर्न नसक्ने भन्दै राजिनामा दिएको वर्ष २०२१ की अध्यक्ष रिमा न्यौपानेले बताइन् । ‘राती साढे ११ बजेसम्म पनि सहमती नजुटे पछि बिहीबार (माघ ६ गते) गराैं, अहिले राती भयो भनेर म हिडे, पछि उहाहरुले अध्यक्षको अनुपस्थितीमा साधारण सभा गर्नु भयो, निर्वाचन अधिकृत बनाउनु भयो र नयाँ अध्यक्ष सहित पदाधिकारी घोषणा गर्नु भएको घर आइपुगेको एक छिनमा खबर पाए’’ अध्यक्ष न्यौपानेले भनिन् । यो विधि विधान विपरित हो, अध्यक्ष उपस्थित नगराई कसरी साधारण सभा हुन्छ, यो सबै अवैध हो, उनले भनिन् ।
उता अध्यक्ष न्यौपाने गएपछि सदस्यहरुले साधारण सभा सुरु गरी नया निर्वाचन अधिकृतमा पूर्व अध्यक्ष रचना क्षेत्रीलाई मनोनित गरेका थिए । निर्वाचन अधिकृत क्षेत्रीले निर्वाचनको कार्यक्रम सार्वजनिक गरेपछि अध्यक्षमा उप्रेतीको आबेदन परेको थियो । ‘‘अध्यक्षमा निर्वाचित भएकी उप्रेतिले अध्यक्ष न्यौपानेको अनुसारनै साधारण सभा सुरु गरेको, उहाँले मलाई सन्चो भएन म अहिले घर जान्छु, तपाईहरु गर्दै गर्नुहोस भनेर गएको बताइन् । अध्यक्ष न्यौपानेले पनि हस्ताक्षर गरी जानु भएको छ, सबै विधि विधान अनुसार भएको छ ।’’ उप्रेतिले भनिन् । मध्यरातमा भएको अधिबेशनबाट उप्रेती बर्ष २०२२ का लागि अध्यक्षमा निर्बिरोध निर्वाचित भएकी जनाईएको छ । त्यस्तै कार्यकारिणी उपाध्यक्षमा कृष्णा दाहाल, सावित्रि राना मल्लिक, उपाध्यक्षमा उर्मिला टण्डन, ज्ञानु पोखरेल न्यौपाने, प्रतिमा तिमलसीना, रागिनी जयसवाल निर्वाचित भएका छन् ।
त्यसैगरी निर्देशकमा कल्पना पाण्डे, संगिता शर्मा, मिना ज्ञवाली निर्वाचित भएका छन् । बाँकी रहेका पदमा अध्यक्षले मनोनित गर्ने बताईएको छ । सामाजिक क्षेत्रमा राम्रो नाम कमाएको जेसिआई सिद्धार्थ लेडिमा गुटबन्दीका कारण अहिले कालोपोतिएको छ । आफ्ना मान्छेलाई अध्यक्ष बनाउन जस्तोसुकै सहमती बनाई हस्ताक्षर गर्ने तर सहमती अनुसार अघि बढौ भन्दा बिधि बिधान देखाउदै तर्कने उचाल्ने र उचालिने पुर्व अध्यक्षको गुटले गर्दा अहिले समस्या र बिबाद देखिएको सदस्यहरुको भनाई छ । वर्ष २०२१का अध्यक्ष रिमा न्यौपानेले विधि विधान विपरित, अध्यक्षको अनुपस्थितीमा सम्पन्न अधिवेशन अवैध भएको बताइन् ।
Get real time update about this post categories directly on your device, subscribe now.
