- भैरहवा ।
सिद्धार्थनगर नगरपालिकाका नगर प्रमुख इश्तियाक अहमद खाँले बेलहिया नाका हुँदै मुलुकमा भित्रिने पर्यटकहरुलाई सम्मान सहित स्वागत गर्ने योजना बनाएको बताएका छन् । पर्यटन प्रहरी इकाई भृकुटीमण्डप, काठमाडौंले स्थलानका बेलहियामा आयोजना गरेको पर्यटक सुरक्षा तथा पर्यटन प्रवद्र्धनमा व्यवसायी एंव स्थानीय नागरिकको भूमिका विषयक अन्तरक्रिया कार्यक्रमलाई सम्बोधन गर्दै नगर प्रमुख खाँनले अतिथि देव भवः नारालाई अनुशरण गर्दै अगाडी बढ्नु पर्ने बताए ।
‘‘मुलुकमा पैसा खर्च गर्नका लागि भारतीय र तेस्रो मुलुकबाट पर्यटकहरु आउछन् तर हामीले उनीहरुलाई हामीहरुले सम्मान गर्नुको साटो नाकामै दुब्र्यबहार गर्दछौं, जुन राम्रो होइन’’, उनले भने, ‘‘पर्यटकलाई सम्मान नगरेसम्म मुलुक र हाम्रो नगरले फड्को मार्दैन ।’’
उनले बेलहिया नाकाबाट मुलुकमा भित्रिने पर्यटकहरुलाई नाकामा गुलाब लगायतको फुल दिएर सम्मान सहित स्वागत गर्ने योजनाहरु रहेको भन्दै यहाँ गरिएको स्वागतले पर्यटकको प्रचारप्रसारले पर्यटक आगमनमा थप वृद्धि हुने बताए ।
‘‘हामीले जब पर्यटकहरुलाई नाकामा स्वागत, सम्मान गरेर पर्यटक मैत्री व्यवहार गर्छौं तब उनीहरुले हाम्रो नगर÷मुलुकको प्रचारप्रसार आफ्नो मुलुकमा गएर गर्छन’’ उनले भने, ‘‘यसले पर्यटक आगमनमा वृद्धि हुनुका साथै नगर÷मुलुकको विकासमा थप टेवा समेत पुग्छ ।’
उनले आफू पैसा कमाउन नभई नगरको विकास गर्नका लागि आएको भन्दै नगरको विकासमा नगरवासीको साथ र सहयोगको समेत आवश्यकता रहेको बताए । उनले नगरको विकासका लागि थुप्रै योजनाहरु रहेको र केही निर्माणक क्रममा रहको भइरहेको भन्दै वर्षायाम पछि केही योजनाहरु सञ्चालन गरिने बताए ।
बेलहिया नाकाको सौन्दर्यकरणको लागि कामहरु भइरहेको भन्दै आयोजना कार्यालय अन्तर्गत रहेको ६ लेन सडकको निर्माणको ढिलाईले नगरको योजना सञ्चालनमा पनि समस्या उत्पन्न भएको बताए । जसका लागि आफूहरुले सडक निर्माणका लागि पहल गरिरहेको उनले बताए । नगरपालिकाको फुलैफुलको शहर, हरियाली, स्वच्छ र सफा शहर, फोहोर व्यवस्थापन, छाडा चौपाया व्यवस्थापन, पार्किङ व्यवस्थापन, व्यवसायिक भवन निर्माण, कारागार स्थानन्तरण, लगायतका योजनाहरु छन् ।
कार्यक्रममा रुपन्देहीका प्रमुख जिल्ला अधिकारी भरतमणि पाण्डेले स्रोत साधानको अभावमा पनि कामहरु भइरहेको भन्दै प्रशासनको तर्फबाट हुन सक्ने सम्पूर्ण सहयोग गर्न आफूहरु तयार रहेको बताए । उनले रात्रिकालिन व्यवसाय सञ्चालनका लागि कार्य विधी अन्तिम चरण पुगेको भन्दै सम्पूर्ण प्रक्रिया पुर्याएर कार्यान्यवन गरिने बताए ।
रुपन्देहीका प्रहरी प्रमुख एस.पी. रविन्द्र रेग्मीले सुरक्षा विना केही कल्पना नै गर्न नसकिने भन्दै सुरक्षाको विकल्प सुरक्षा नै रहेको भन्दै आफूहरुले सदैव सुरक्षाका लागि तत्पर रहेको बताए । उनले आफ्नो स्थानको विकासका लागि सरोकारवालाहरुले समाजिक उत्तरदायित्व अन्तर्गत आफ्नो भूमिका समेत निर्वाह गर्नुपर्ने बताए ।
Get real time update about this post categories directly on your device, subscribe now.
