- भैरहवा ।
आगामि मंसिर ४ गते हुने प्रतिनिधि सभा तथा प्रदेश सभा निर्वाचनमा रुपन्देही–५ प्रदेश सभा (ख) निर्वाचन क्षेत्रबाट प्रत्यक्षतर्फ नेपाली कांग्रेसले फखरुद्दिन खानलाई सिफारिस गरेको छ । खान नेपाली कांग्रेस लुम्बिनी प्रदेश सभा संसदीय दलका प्रमुख सचेतक समेत हुन् । यस अघिको निर्वाचनमा राम्रो मतान्तरले जित हासिल गरेका खानलाई नेपाली कांग्रेस क्षेत्र नम्बर ५ क्षेत्रीय समितिको वैठकले अहिले प्रदेश शभा निर्वाचनका लागि सर्वसम्मत सिफारिस गरेको हो ।
यस्तै समानुपातिक तर्फ वसिउल्लाह मुसलमान, मोहम्मद शहीद खान, शेषमणि यादव, वीरेन्द्र त्रिपाठी र सूर्यमणि उपाध्याय गरी ५ जना सिफारिस भएका छन् । प्रदेश सभा क्षेत्रीय समितिले गरेको सिफारिस माथिल्लो समितिले बदर गर्न नमिल्ने र सुझाव मात्रै दिन सक्ने कांग्रेसको विधानमा व्यवस्था भएकाले सिफारिस भएका नामहरु नै अन्तिम हुने बताइएको छ ।
जिल्लाका ५ प्रतिनिधि सभा र १० वटा प्रदेश सभा क्षेत्र मध्ये रुपन्देही ५ (ख) उम्मेदवार सिफारिस गर्ने पहिलो क्षेत्र भएको छ । अरु प्रदेश सभा क्षेत्रले बिहीबारसम्म प्रदेश सभाको उम्मेदवार सिफारिस गरिसक्ने नेपाली कांग्रेस जिल्ला सचिव हरि काफ्लेले बताए ।
Get real time update about this post categories directly on your device, subscribe now.