श्रीन्यूज ओके रिपोर्टर, भैरहवा
लायन्स क्लब अफ सिद्धार्थनगर लेडि युथको आयोजनामा भैरहवामा वाकाथुन आयोजना हुने भएको छ। वाकाथुन भनेको छिटो छिटो गतिमा हिड्नु हो । महिला हिंसा बिरुद्धको १६ दिने अभियानको अवसरमा आयोजना हुने वाकाथुनको सुरु मङ्सिर ९ गते बुद्धचोकबाट सुरु हुने क्लबका अध्यक्ष सबा खानले बताइन् । वाकाथुनमा भैरहवामा रहेका लायन्स क्लब, लियो क्लब, रोटरी क्लब , जेसिस, लगायत विभिन्न संघ सस्थाको सहभागिता रहने खानले बताइन । वाकाथुनमा मिलन चोक , सिद्धार्थ रंगशाला लगायत क्षेत्रमा सडक नाटक समेत प्रदर्शन हुने संस्थाका सचिव स्नेहलता राव थापाले बताइन् । कार्यक्रमा सहभागीहरुले सुन्तला रङ्को टिसर्ट लगाउनेछ्न् ।
१६ दिने अभियानमा वाकाथुन, अन्तक्रिया, साथै ब्रेक द साइलेन्स कार्यक्रम आयोजना हुने संस्थाकी निवर्तमान अध्यक्ष तनु शर्मा कसौधनले बताइन । प्रत्येक वर्ष नोभेम्बर २५ देखि डिसेम्बर १० सम्म महिला हिंसा बिरुद्धको १६ दिने अभियान विश्वभरी विभिन्न कार्यक्रम आयोजना गरि मनाइने गरिन्छ।
Get real time update about this post categories directly on your device, subscribe now.
