सुत्केरीलाई कोसेली दिँदै घरघरमा उपमेयर

• श्रीन्यूज ओके रिपोर्टर
  भैरहवा ।

  ---

सुत्केरी आमाहरुलाई शुभकामना सन्देश सहित पौष्टीक आहार सहितको कोसेली घरघरमा पु¥याउन थालिएको छ । रुपन्देहीको सिद्धार्थनगर नगरपालिकाले सुरु गरेको उपप्रमुख सुरक्षित मातृशिशु कार्यक्रम अन्र्तगत ‘उपप्रमुख सुत्केरी कोसेली भेट’ कार्यक्रम मार्फत कोसेली सुत्केरी रहेको घरघरमा पु¥याउन सुरु भएको हो ।

सोमबार नगर उपप्रमुख उमा अधिकारीले पालिकाको वडानम्बर १ बेलहिया स्थित घरघरमा पुगेर सुत्केरी आमाहरुसगँ पौष्टीकतत्व सहितको खाद्यवस्तु र शुभकामना सन्देश सहित कोसेली भेटमा पुगेकी छिन् । कोसेली झोला सहित घरघरमा पुगेर सुत्केरी आमाहरुलाई कोसेली दिँदै उपप्रमुख अधिकारीले सुत्केरी भएको अवस्थामा उनीहरुको स्वास्थ्यका साथै नगरवासीको मुहारमा खुशी ल्याउनका लागि कोसेली भेट गरेको बताइन् ।

नगरपालिकाबाट उपलब्ध गराइएको कोसेली झोलामा ज्वानो, घ्यू, मह, सर्फ, डिटल साबुन, जोनसन साबुन, जोनसन तेल, स्यानेटरी प्याड, झुल, म्याक्सी रहेको नगर उपप्रमुखको स्वकीय सचिव लक्ष्मी कोइरालाले बताइन् । कोशेली भेटका सामग्रीहरु करिब ३ हजार रुपैयाँ मूल्य बराबरको र ति कोसेली सामग्रीहरु एक सय दिन भित्रका सुत्केरी आमाहरुलाई उपलब्ध गराउन सुरु गरिएको हो ।

नगरपालिकाबाट कोसेली पाउनका लागि वडा कार्यालयमा गई निवेदन दिनुपर्नेछ । त्यसै गरी विवाह दर्ताको प्रमाण, न्यूनतम ४ पटक गर्भवती जाँच गरिएको अस्पतालको कार्ड, आमा र बच्चाको खोपकार्ड, अस्पतालबाट जारी शिशुको जन्म प्रमाणपत्र, जन्मदर्ताको प्रमाण, बुबाआमाको नेपाली नागरिकताको प्रतिलिपि हुनु पर्ने नगरपालिकाले प्रावधान बनाएको छ ।

‘यसले समयमै जन्मदर्ता गर्ने, स्वास्थ्य संस्थामा सुत्केरी हुने बानीको समेत विकास गर्नेछ’, उपप्रमुख अधिकारीले भनिन् । सुत्केरी अवस्थामा के खाने ?, कति दिनआराम गर्ने ? कस्ता खानेकुरा खाएमा शरीरलाई फाइदा गर्छ ? जस्ता सन्देश लेखिएको पम्पलेट समेत कोसेली भेटमा उपलब्ध गराइएको छ । ‘यसले आमा र बच्चाको मृत्युदरलाई घटाउन पनि टेवापुग्ने विश्वास लिएकाछौँ’, अधिकारीले भनिन् ।

बेलहियाकी सुशिला श्रेष्ठले नगरपालिकाबाट पौष्टिक खाद्य एवं स्वास्थ्य सामग्री सहितको कोसेली झोला पाएकोमा खुशी व्यक्त गरिन् । ‘हामीलाई चाहिएको सबै साम्रगीहरु कोसेली झोलामा रहेको छ’उ नले भनिन्, ‘उपप्रमुखले घरमै आएर भेट गरेर कोसेली दिनुभयो, धेरै खुशीलागेको छ ।’ शुभकामना सन्देश र कोशेली एकै साथ पाइयो, नगरपालिकाले अभिभावकत्व निर्वाह गरेको महशुस ग¥यौ, श्रेष्ठले भनिन् ।

वडा नम्बरका १ का वडाअध्यक्ष उज्ज्वल पोखरेलले उपप्रमुख सुत्केरी कोसेली भेट कार्यक्रम धेरै फलदायी रहेको र वडावासीहरुले खुशीव्यक्त गरेको बताए । उनले अगामी दिनमा नगरपालिकाबाट थपजन मुखी कार्यक्रमहरु ल्याउनका लागि सुझावहरु आएको र आफूहरुले ल्याउने प्रतिबद्ध रहेको जनाए ।

सुत्केरी आमाहरुलाई कोसेली सहित उपप्रमुख अधिकारी, वडानम्बर १ का वडा अध्यक्ष पोखरेल, वडासदस्यहरु, आधारभूत स्वास्थ्य केन्द्रका कर्मचारी तथा स्वयं सेविका लगायतले भेट गरेका छन् ।