लुम्बिनी प्रेस क्लबको चौथो वार्षिक अधिबेशन माघ १४गते, नयाँ नेतृत्व आउदै

• श्रीन्यूज ओके रिपोर्टर,भैरहवा

क्रियाशिल पत्रकारहरुको साझा सस्था लुम्बिनी प्रेस क्लवको चौथो वार्षिक अधिबेशन माघ १४ गते हुने भएको छ । सस्थाको आफनै नवनिर्मित भवनमा बुधबार सम्पन्न छैठौ साधारण सभाले माघ १४ गते शनिबार अधिबेशन गर्ने निर्णय गरेको अध्यक्ष नरेश केसीले जानकारी दिए । अधिबेशनले नया कार्यसमिति निर्बाचित गर्ने छ। जस अनुसार जस अनुसार अध्यक्ष सहित दुई उपाध्यक्ष , एक महासचिव, एक सचिव, एक कोषाध्यक्ष, एक सहकोषाध्यक्ष र ६ सदस्य सहितको कार्यमिति अधिबेशनबाट आउने अध्यक्ष केसीले बताए । यस अघि ११ सदस्य कार्यसमिति रहेकोमा एक उपाध्यक्ष र एक सह कोषाध्यक्ष पद थप गरी १३ सदस्यिय बनाउने निर्णय साधारण सभाले गरेको थियो । त्यसै गरी यसैगरि तालिम समिति र लेखा समिति पनि अधिवेशनबाट निर्वाचित गराउने निर्णय साधारण सभाले गरेकोछ । शनिबार अधिबेशन अघि भब्य समारोहका बिच मायादेवी गाउपालिका वडा नम्बर ८मा निर्मित भवनको नेपाल सरकारका उपप्रधान एवं अर्थमन्त्री बिष्णु पौडेलले उदघाटन गर्ने तय भएको महासचिब कमल रायमाझीले बताए ।

साधारण सभाले लेखा परिक्षक नियुक्ति गर्दै यश अघिका कार्यसमिति बैठक र बिस्तारित बैठक तथा विभिन्न उपसमितिले गरेको निरेणयलाई पनि सर्वसम्मत अनुमोदन गरेको छ ।सभाले आगामि १० बर्ष भित्र पत्रकारिता कल्याणकारी कोष बढाएर कम्तिमा २० लाख पुराउने, हरेक बर्ष न्युज फेस्टिभल कार्यक्रम गर्ने, कोष बृद्धिकोलागि विशेष ईभेन्ट गर्ने, नया सदस्यता बिधान अनुसार बिस्तार गर्ने तथा भवन निर्माणका बाकी काम सम्पन्न गर्ने जस्ता महत्त्वपूर्ण निर्णय समेत गरेको छ । साधारण सभाले लुम्बिनी प्रेस क्लबको नया नेतृत्व चयनका लागि निर्वाचन अधिकृतमा कृष्ण प्रसाद ढकाललाई जिम्मेवारी दिएको छ ।

यस अघि संघको आफनै भवनमा आयोजित साधारण सभाको मायादेवि गाउपालिका वडा नम्बर ८ का अध्यक्ष चोक बहादुर थापाले उदघाटन गर्दै आफ्नो वडामा स्थायि संरचना बनाएर क्लबले मायादेवि बासिलाई गौरावान्वित बनाएको बताए ।
साधरणसभाको उद्घाटन गर्दै वडा अध्यक्ष थापाले प्रेस क्लवको भवन मायादेवि गाउपालिकामा स्थापित हुनु हाम्रो लागि गौरबको बिषय हो , पत्रकारहरुको संस्था यहाँ सन्चालित छ, हामी धेरै खुसी छौ। स्थानिय तहले सबै किसिमले प्रेस क्लबसँग सहकार्य गरेर अगाडि बढ्छ, उन्ले भने ।

 
कार्यक्रममा प्रेस क्लबका संस्थापक अध्यक्ष माधब ढुङ्गानाले पत्रकारिताको जिवन्तता र निरन्तरताकोलागि संघसंस्थाको भुमिका अह्म हुने बताए । उनले लुम्बिनी प्रेस क्लबले पत्रकारहरुको हकहितकोलागि संस्थागत ढङ्गले खेलेको भुमिका उल्लेखनिय भएको बताए ।संस्थाका निवर्तमान अध्यक्ष दिपेश पछाईले लुम्बिनी प्रेस क्लबले पत्रकारिता क्षेत्रमा गरेको योगदान महत्त्वपूर्ण रहेको बताए ।संस्थाका सल्लाहकार कुलमणि ज्ञवालिले एकता र सहकार्यले नै आम सन्चारको विकासमा टेवा दिने बताए । उनले लुम्बिनी प्रेस क्लबले आफ्नै भवनमा साधरणसभा गर्न पाउनु खुसिको कुरा भएको बताए । तालिम समिति संयोजक दिपेन्द्र बडुवालले प्रेस क्लबले आपसि सम्बन्ध विस्तार र पत्रकारहरुबिचको सहकार्यमा जोड दिएको उल्लेख गरे ।सिद्धार्थ उद्योग वाणिज्य संघका कार्यसमिति सदस्य प्रितम रौनियारले यस क्षेत्रमा कार्यरत सस्थाहरुको संगठित भएर अघि बढदा सकारात्मक प्रभाब परेको बताउदै आफनै भवन निर्माण हुनु सुखद कुरा रहेको जनाए । 

संस्थाका अध्यक्ष नरेश के सीको अध्यक्षता , महासचिव कमल रायमाझिको सन्चालन तथा उपाध्यक्ष सम्झना शर्माको स्वागतमा सम्पन्न साधरणसभाको उद्घाटन सत्रमा बोल्ने बक्ताहरुले आफ्नै स्वामित्वको भवनमा कार्यक्रम गर्न पाउँदा खुसि लागेको बताएका छन् ।साधरण सभाले क्लबका अध्यक्ष नरेश केसीले प्रस्तुत गरेको अध्यक्षको प्रतिवेदन, महासचिव कमल रायमाझिले प्रस्तुत गरेको महासचिवको प्रतिवेदन, कोषाध्यक्ष प्रकाश न्यौपानेले प्रस्तुत गरेको आर्थिक तथा लेखा प्रतिवेदन पारित गरेको सचिव शंकर प्रसाद पान्डेले बताए ।
सभाको माईन्युट दिपक गलामिले लेखेका थिए भने प्रमाणिकरण दिपक घिमिरे, श्यामशंकर पान्डे र मोहमब हबिबले गरेका थिए । लुम्बिनी प्रेस क्लबको मायादेवि ८ लुम्बिनी रोडमा आफनै स्वामित्वको १० धुर जग्गामा चार तल्ले भवन निर्माण भईरहेको छ ।