सिद्धार्थनगर स्तरिय ब्याडमिन्टन प्रतियोगिता हुँदै

यहाँ स्थित कुटुम्ब होम (होटल) सञ्चालनमा आएको एक वर्षको उपलक्ष्यमा सिद्धार्थनगर स्तरिय व्याडमिन्टन प्रतियोगिता आयोजना हुने भएको छ  । मंसिर २० गते भैरहवा ब्याडमिन्टन कभर्ड हलमा प्रतियोगिता आयोजना हुने कुटुम्ब होमका प्रबन्ध निर्देशक एवं प्रतियोगिता आयोजन समितिका संयोजक सुजन पाण्डेले बताए  । प्रतियोगिता जोडी तर्फ (पुरुष डबल्स) इभेन्ट मात्रै हुने र सहभागिताका लागि ६० जनाले नाम दर्ता गराईसकेको पाण्डेले जनाए  । सहभागिताका लागि अन्यत्र स्थानबाट समेत सोध्ने ,ईच्छा देखाउने क्रम जारी छ , तर हामी सिद्धार्थनगर भित्रैका खेलाडीहरु बिच प्रतियोगिता गराउँछौं साथै भैरहवा ब्याडमिन्टन क्लबका सदस्य र सिद्धार्थनगर भित्र व्यवसाय गर्दै आएका अन्य स्थानियतहका खेलाडी भएमा उनिहरुले पनि सहभागिता जनाउन सक्ने पाण्डेले बताए  । शुक्रबार सम्म थप खेलाडीले नाम दर्ता गर्ने अपेक्षा रहेको उनको भनाई छ  । कोरोना भाईरस संक्रमणको जोखिमले गर्दा प्रतियोगिता हुन नसकेको अवस्थामा यस किसिमका प्रतियोगिता स्वास्थ्य सतर्कता अपनाएर आयोजना हुन गइरहेकोमा खेलाडिहरुमा उत्साह थपिएको पाइएको पाण्डेले बताए  । प्रतियोगिताको तयारीका बारेमा बिहिबार पत्रकार सम्मेलन आयोजना गरि जानकारि दिइने बताईएको छ  । यस अघिनै पुरस्कारको बारेमा आयोजकले घोषणा गरिसकेका छन्  ।
प्रतियोगितामा प्रथम हुनेले लिलिन ¥याकेटसंगै ब्याडमिन्टन ब्याग, ड्रेस सेट, दोश्रोलाई भिएस ब्रान्ड ¥याकेट, ड्रेस सेट र तेश्रो हुनेलाई ड्रेस सेट साथै पदक तथा ट्रफी र सहभागी सबै खेलाडिलाई कदर पत्र प्राप्त गर्नेछन्  ।