श्री न्यूज ओके रिपोर्टर
भैरहवा ।
कुटुम्ब होम प्रा.लि.को आयोजनमा सिद्धार्थनगर भैरहवामा सिद्धार्थनगर स्तरिय कुटुम्ब कप ब्याटमिन्टन सुरु भएको छ । भैरहवा ब्याटमिन्टन क्लबको कभड हलमा सुरु प्रतियोगितामा ६२ खेलाडीहरुको ३२ टोलीले उपाधीका लागि प्रतिस्पर्धा गर्ने छन् । प्रतियोगिताको उद्घाटन सङ्घीय सांसद प्रमोद कुमार यादवले गर्दै खेलकुदको विकासका लागि आफुले सक्दो प्रयास गर्ने जनाउँदै स्वास्थ्यका लागि खेलकुद अति आवश्यक भएको बताए ।आयोजक समितिका संयोजक तथा कुुटुम्ब होमका प्रवन्ध निर्देशक सुजन पाण्डेले प्रतियोगिता अबदेखि प्रत्येक वर्ष निरन्तर आयोजना हुने प्रतिवद्धता जनाए ।
उद्घाटन सत्रमा भैरहवा ब्याटमिन्टन क्लबका संस्थापक कोषाध्यक्ष गणेश क्षेत्री, प्रतियोगितका मुख्य रेफ्री जीवन अधिकारी लगायतले प्रतियोगिताका बारेमा बोलेका थिए । १ दिने प्रतियोगिताको समापन शनिबार बेलुका हुने श्री न्यूज ओकेका संवाददाता शम्भु पन्तले बताए ।
Get real time update about this post categories directly on your device, subscribe now.
