श्री न्यूज ओके रिपोर्टर
भैरहवा
कुटुम्ब होम प्रा.लि.को आयोजनमा सिद्धार्थनगर भैरहवामा भएको सिद्धार्थनगर स्तरिय कुटुम्ब कप ब्याटमिन्टन प्रतियोगिताको उपाधी धिरज क्षेत्री र दिपक घिमिरेको जोडीले जितेका छन् । शनिबार भैरहवा ब्याटमिन्टन क्लबको कभर्डहलमा सम्पन्न फाइनलमा क्षेत्री र घिमिरेको जोडीले कमल जिसी र गणेश क्षेत्रको जोडीलाई २–० सेटले पराजित गर्दै प्रथम सिद्धार्थनगर स्तरिय कुटुम्ब कप उपाधि जितेका हुन् ।
सेमिफाइनलमा घिरज क्षेत्री र दिपक घिमिरेको जोडीले जगन भुसाल र सुजन पाण्डेको जोडीलाई तथा कमल जिसी र गणेश क्षेत्रीको जोडीले रवि पन्त र चक्रमणि डम्बरपालको जोडीलाई पराजित गरेका थिए ।
प्रतियोगितामा जगन भुसाल र सुजन पाण्डेको जोडी तथा रवि पन्त र चक्रमणि डम्बरपालको जोडी तृतीय भए । प्रथम हुनेले लिलिन कम्पनीको ¥याकेट, ब्याटमिन्टन, टिसर्ट र ब्याग, ट्रफी पदक र प्रमाण पत्र, द्वितीय हुनेले भिएस ब्राण्ड ¥याकेट, ब्याटमिन्टन टिसर्ट, ट्रफी, पदक र प्रमाण पत्र तथा तृतीयले ब्याटमिन्टन टिसर्ट, ट्रफी, पदक र प्रमाण पत्र प्राप्त गरे ।
विजेता तथा उप विजेतालाई विशिष्ट अतिथि भैरहवा ब्याटमिन्टन क्लबका संस्थापक अध्यक्ष गणेश बहादुर क्षेत्री, कुटुम्ब होम प्रा.लि.का संरक्षक चन्द्र प्रकाश पाण्डे, आयोजक कुटुम्ब होमका प्रवन्ध निर्देशक सुजन पाण्डे, लुम्बिनी निर्माण व्यवसायी संघका अध्यक्ष विनय ज्ञवाली, प्रतियोगितका मुख्य रेफ्री जीवन अधिकारी लगायतले पुरस्कार प्रदान गरेका थिए ।
भैरहवा ब्याटमिन्टन क्लबको कभर्ड हलमा सम्पन्न प्रतियोगितामा ६२ खेलाडीहरुको ३१ टोलीकोे उपाधीका लागि प्रतिस्पर्धा गरेका थिए । प्रतियोगिताको उद्घाटन शनिबार विहान सङ्घीय सांसद प्रमोद कुमार यादवले गरेका थिए ।
Get real time update about this post categories directly on your device, subscribe now.
