- भैरहवा ।
रुपन्देहीको कोटीहवामा जारी २०औं लिस्नु कप फुटबल प्रतियोगिता अन्तर्गत आज दोस्रो क्वाटर फाइलनमा खेल फोर ब्रदर्श एफ.सी. नवलपरासी तथा राईजिङ्ग स्टार युवा क्लब शिवराज नगरपालिका कपिलवस्तु बिच प्रतिस्पर्धा हुँदैछ । दिउँसो ४ बजे कोटिहवा स्थित पशुपति माविको मैदानमा हुने खेलका लागि दर्शकहरुलाई प्रवेश टिकट रु. १०० कायम गरिएको छ । यस अधि आइतवार सम्पन्न पहिलो क्वाटरफाइनलमा गोर्खा व्वाइज स्पोर्टस क्लब बुटवललाई ३–० गोलले पराजित गर्दै साविक विजेता फर्साटिकर क्लब सेमिफाइनलमा प्रवेश गरेको छ ।
प्रतियोगितामा रुपन्देही, नवलपरासी, कपिलवस्तु, पाल्पा र स्याङ्गजाका गरी १६ टिमको सहभागिता रहेको छ भने विजेताले ३ लाख रुपैयाँ र ट्रफी तथा उपविजेताले १ लाख ५० हजार रुपैयाँ र ट्रफी प्राप्त गर्ने छन् । त्यस्तै गरी सेमिफाइनलमा पराजित हुने २ टिमले जनही २५ हजार रुपैयाँ, प्रतियोगिताको सर्वोत्कृष्ट खेलाडीले २५ हजार रुपैयाँ तथा उत्कृष्ट गोलरक्षक, उदयमान खेलाडी र सर्वाधिक गोलकर्ताले जनही ७ हजार रुपैयाँ तथा प्रत्येक दिनको म्यान अफ द म्याचले ३ हजार रुपैयाँ पुरस्कार प्राप्त गर्ने क्लबका अध्यक्ष तिर्थ राज मल्लले बताए ।
प्रतियोगितामा यस पटक सोहि स्थानकी श्रीमाया गुरुङ्गले आफ्ना बुवा स्व. डिम बहादुर गुरुङ्गको स्मृतिमा मुख्य प्रायोजकको रुपमा सहयोग गरेको क्लबले जनाएको छ ।
Get real time update about this post categories directly on your device, subscribe now.
