श्रीन्यूज ओके रिपोर्टर,भैरहवा
रुपन्देही क्रिकेट संघको आयोजनामा भैरहवामा १८ मङ्सिरदेखि २४ मङ्सिरसम्म स्व. शेर बहादुर सेन्चुरी मेमोरियल अन्तर विद्यालय टि २०क्रिकेट प्रतियोगिता आयोजना हुने भएको छ। सिद्धार्थ रंगशालामा हुने प्रतियोगितामा जिल्लाका संस्थागत र निजी गरि १३ विद्यालयको सहभागिता रहने जानकारी पत्रकार सम्मेलन गरी आयोजकले दिएका छ्न्। प्रतियोगितामा विजेताले नगद ३० हजार रुपैयाँ र ट्रफि तथा उप विजेताले १५ हजार रुपैयाँ प्राप्त गर्नेछ्न्। खेलमा प्लेयर अफ द टुर्नामेन्ट्ले ५,०००/-, उत्कृष्ट बलर र ब्याट्सम्यानले जनही २,५००/- तथा प्रत्येक दिनको म्यान अफ द म्याचले ५००/-रुपैयाँ र ट्र्फि प्राप्त गर्ने प्रतियोगिता संयोजक उदय कुमार मल्लिकले बताए ।
प्रतियोगिता सम्पन्न गर्न कुल २ लाख ५० हजार खर्च लाग्ने बताइएको छ । संघका अध्यक्ष हरिबहादुर थापाको सभापतित्वमा भएको पत्रकार सम्मेलनमा संघका सदस्य एव सिद्धार्थ नगर नगर पालिका का उपप्रमुख उमा अधिकारी संघका कोषाध्यक्ष निरज प्रताप खाँण लगायतले प्रतियोगिताले विद्यालयमा रहेका क्रिकेटका प्रतिभाहरुलाई बाहिर ल्याउन मद्दत पुग्ने बताए ।
Get real time update about this post categories directly on your device, subscribe now.
