- श्रीन्यूज ओके रिपोर्टर,भैरहवा
नेपाली सेना स्थापनाको २६० औं वार्षिकउत्सव तथा महाशिवरात्री २०७९को उपलक्ष्यमा रुपन्देहीमा आयोजित हाफ म्याराथन (पुरुष तर्फ)को उपाधि नेपाली सेनाको त्रिभुवन आर्मि क्लवका गजिन्द्र राईले जितेका छन् ।
राईले रुपन्देहीको देबदह नगरपालिका माईतीघर पिपलबोट देखि बुटवल उपमहानगर स्थित जितगढी सम्मको निर्धारीत २१.१ किमिको दुरी १ घण्टा ६ मिनेट ५० सेकेण्डमा २१ किलोमिटरको दुरी पार गर्दै उपाधि हासिल गरेका हुन । उपाधिसंगै उनले नगद ४० हजार रुपैयाँ, मेडल, प्रमाणपत्रबाट पुरस्कृत भए । दोश्रो र तेश्रो स्थानमा पनि आर्मि क्लवकै खेलाडी बिजयी भए ।
सुशिल कुमार शाहीले सो दुरी १ घण्टा ७ मिनेट ४६ सेकेण्डमा पुरा गर्दै दोश्रो हुदा नगद २५ हजार रुपैया, मेडल, प्रमाणपत्र प्रात गरे भने जितेन्द्र दनुवारले १ घण्टा १९ मिनेट ५७ सेकेण्डमा दुरी पुरा गर्दै तेश्रो स्थानमा आउदा १५ हजार रुपैया, मेडल, प्रमाणपत्र प्राप्त गरे ।
मध्य पश्चिम पृतना र श्री २२ नम्बर बाहिनी अड्डाले आयोजना गरेको खुल्ला हाफ म्याराथान पुरुष तथा १० किलोमिटर (महिला÷पुरुष) दौड प्रतियोगिताको पुरुष १० किलोमिटर दौड तर्फ आर्मी क्लबकै खगेन्द्र रानाभाट ३१ मिनेट ३७ दशमलब ४२ मा दुरी पार गर्दै उपाधि जित्दा एपीएफका सन्जित नेपालीले ३४ मिनेट ४७ सेकेण्ड ५७ मा दुरी पुरा गर्दै दोश्रो हुदा महाबिर गणका रमेश सिजापतिले ३६ मिनेट ४२ सेकेण्ड १५ मा दुरी पुरा गर्दै तेश्रो स्थानमा आए ।
१० किमी महिला तर्फको दौड पनि आर्मी क्लबकै गिता बिकले ४० मिनेट १५ दशमलब ०५ दुरी पार गर्दै प्रथम भइन् । आर्मीकै निर्मला केसी ४१ मिनेट १५ सेकेण्ड २० मा दुरी पुरा गरी दोश्रो हुदा महेन्द्र दल गणकी धनमाया बोहराले ४३ मिनेट ४६ सेकेण्ड १५ मा दुरी पुरा गर्दै तेस्रो भईन् । उनिहरुले क्रमश नगद १५ हजार, १० हजार र ५ हजार रुपैयासहित मेडल, प्रमाणपत्रबाट पुरस्कृत भए ।
बिजेता उपबिजेता सबैलाई एक कार्यक्रमका बिच मध्य पश्चिम पृतना हेड क्वाटरका पृतनापति उपरथी याम प्रसाद ढकाल, बुटवल उपमहानगरपालिकाका नगरप्रमुख खेलराज पाण्डे, श्री २२ नम्बर बाहिनी अड्डाका बाहिनीपति सहायक रथी नवराज गुरुङले पुरस्कृत गरे ।
कार्यक्रममा ४ सय बढी खेलाडीहरुको सहभागी रहेको थियो । खेलकुदको विकास तथा आफनो स्वास्थ्यको लागि दौड भन्ने मुद संदेश प्रबाह गर्दै नागरिक सैनिक बिचको सम्बन्ध सुमधुर बनाउने उद्धेश्य सहित नेपाली सेना स्थापनाको २६० औं वार्षिक उत्सव तथा महाशिवरात्री २०७९को उपलक्ष्यमा प्रतियोगिता आयोजना भएको हो ।
Get real time update about this post categories directly on your device, subscribe now.
