श्रीन्यूज ओके रिपोर्टर।भैरहवा
लायन्स क्लब अफ सिद्धार्थनगर प्रोगेसिभको आयोजनामा भैरहवामा “अन्तर लायन्स डिजी कप सिक्स ए साईड क्रिकेट प्रतियोगिता” आयोजना हुने भएको छ ।
क्लवले भैरहवामा पत्रकार सम्मेलन गरि प्रतियोगिताबारे जानकारी दिईएको हो । लायन्स इन्टरनेशनल डिस्ट्रिक ३२५ पि अन्तरगतका बिभिन्न ८ लायन्स क्लबहरुले सहभागीता जनाउने बताएका छन् । कार्यक्रम संयोजक अभिनव मयुर कसौधनका अनुसार प्रतियोगितामा लायन्स क्लब अफ सिद्धार्थनगर, लायन्स क्लब अफ सिद्धार्थनगर होलिसिटी, लायन्स क्लब अफ सिद्धार्थनगर युथ, लायन्स क्लब अफ सिद्धार्थनगर ग्रिनसिटी, लायन्स क्लब अफ सिद्धार्थनगर प्रोगेसिभको २ टिम लुम्बिनी र सगरमाथा, लायन्स क्लब अफ भलवारी सिटी र लायन्स क्लब अफ सिद्धार्थनगर लिगेसी गरि ८ टिमको सहभागीता रहनेछ । लायन्स क्लबहरु बिच आपसी एकताभाईचारा स्थापित गर्दै सम्बन्ध मजबुत बनाउने प्रतियोगिताको उद्धेश्य रहेको बताए ।
प्रतियोगितामा बिजेतालाई २५ हजार तथा उप बिजेता टिमलाई १५ हजार नगद पुरस्कारको साथै प्रत्येक खेलमा मैन अफ द मैच, मैन अफ द सिरिज, बेस्ट ब्याट्स म्यान, बेस्ट बलर, बेस्ट फिल्डर, अनुशासित टिमको रुपमा पुरस्कृत गरिने क्लबका अध्यक्ष मिलन विश्वकर्माले बताए ।
क्लबका अध्यक्ष मिलन विश्वकर्माको अध्यक्षतामा, एरिया चिफ दिपक कौशलको प्रमुख आतिथ्यतामा सम्पन्न कार्यक्रममा क्लबका पूर्व अध्यक्ष शार्दुल मयुर कसौधन, लुम्बिनी प्रेस क्लबका कार्यवाहक अध्यक्ष कमल रायमाझी, सुमन न्यौपाने, सुनिल सेन्चुरी लगायतले बोलेका थिए । कार्यक्रमको सञ्चालन क्लबका सचिव संजोगराज तिवारीले गरेका थिए । प्रतियोगिता सिद्धार्थ रंगशालामा बिहान शनिबार बिहान देखि सुरु हुने र सबै खेलहरु सोहि दिननै सम्पन्न हुने बताईएको छ ।
Get real time update about this post categories directly on your device, subscribe now.
