श्रीन्यूज ओके रिपोर्टर।भैरहवा
क्रिकेट संघ रुपन्देहीको आयोजनामा भैरहवाको सिद्धार्थ रंगशालामा जारी रुपन्देही जिल्लास्तरीय ‘अन्तर कलेज साई ग्लोबल कप टी–२० क्रिकेट प्रतियोगिता’ अनतरगत आजबाट प्रि क्वाटरफाईजल खेलहरु सुरु हुदैछ ।
आज पहिलो क्वाटरफाईनलमा न्यूहोराईजन कलेज बुटवल र जेसिस स्कुल भैरहवा तथा दोश्रो खेल नेपथ्य कलेज बुटवल र शहिद नारायण पोखरेल कलेज मुर्गिया बिच प्रतिष्पर्धा हुने रुपन्देही क्रिकेट संघका अध्यक्ष हरी थापाले जानकारी दिए ।
यस अघि आईतबार सम्पन्न दुई खेलमा शान्ति नमूना उच्च मावि र रुपन्देही क्याम्पस विजयी हुदै प्रि क्वाटरफाईनलमा प्रबेश गरेका थिए ।
शान्ति नमूनाले क्यानन इङ्गलिस बोर्डिङ हाई स्कूललाई ८ विकेट र रुपन्देही क्याम्पसले भैरहवा हाई स्कूललाई ९ विकेटले पराजित गरेका थिए ।
रुपन्देही क्रिकेट संघको आयोजना तथा साई ग्लोबल एकेडेमीले प्रमुख प्रायोजनमा जारी प्रतियोगिताका विजेता टिमले नगद ५० हजार १ रुपैयाँका साथै ट्रफी, मेडल र प्रमाणपत्र प्राप्त गर्नछ । यस्तै, उपविजेता टिमले नगद २५ हजार १ रुपैयाँका साथै ट्रफी, मेडल र प्रमाणपत्र, प्रत्येक खेलको म्यान अफ द म्याचले एक हजार रुपैयाँ, ट्रफी र प्रमाणपत्र पाउनेछन् । यस्तै, म्यान अफ द सिरिजले ५ हजार, बेस्ट ब्याटरले २ हजार ५ सय र बेस्ट बलरले २ हजार ५ सय रुपैयाँका साथै ट्रफी र प्रमाणपत्र पाउनेछन् । यस्तै, एक अनुशासित टिमले ट्रफी र प्रमाणपत्र प्राप्त गर्नेछन् । प्रतियोगितामा जिल्लाका विभिन्न कलेजका २६ टिम सहभागी छन् ।
Get real time update about this post categories directly on your device, subscribe now.
