आजको पहिलो क्वाटरफाईनल खेल सिद्धार्थ रंगशालामा जेसिस स्कुल र लिलाराम माबि बिच हुनेछ भने सोही मैदानमा दोश्रो खेल साई ग्लोबल बि तथा प्यारामाउन्ट माबि बिच हुनेछ
श्रीन्यूज ओके रिपोर्टर।भैरहवा
रुपन्देही क्रिकेट संघको आयोजनामा भैरहवामा जारी जिल्लास्तरीय ‘अन्तर कलेज साई ग्लोबल कप टी–२० क्रिकेट प्रतियोगिता’ अन्तरगत आजबाट क्वाटरफाईनल खेलहरु सुरु हुदैछन् ।
प्रि क्वाटरफाईनलबाट बिजयी हुदै जेसिस स्कुल, साई ग्लोबल बि, शान्ति नमुना माबि,रुपन्देही क्याम्पस, लिलाराम माबि,प्यारामाउन्ट माबि, सेन्ट जोसेफ तथा न्यू होराईन ए टिम क्वाटर फाईनलमा प्रबेश गरेको रुपन्देही क्रिकेट संघका अध्यक्ष हरी बहादुर थापाले बताए ।
आजको पहिलो क्वाटरफाईनल खेल सिद्धार्थ रंगशालामा जेसिस स्कुल र लिलाराम माबि बिच हुनेछ भने सोही मैदानमा दोश्रो खेल साई ग्लोबल बि तथा प्यारामाउन्ट माबि बिच हुनेछ ।
त्यसै गरी भोलिको क्वाटर फाईनलमा शान्ति नमुना माबि र सेन्ट जोसेफ तथा रुपन्देही क्याम्पस र न्यू होराईजन ए बिच हुनेछ ।
भैरहवामा रहेको साई ग्लोबल एकेडेमीको प्रमुख प्रायोजनमा सुरु भएको प्रतियोगिताको विजेता टिमले नगद ५० हजार १ रुपैयाँका साथै ट्रफी, मेडल र प्रमाणपत्र प्राप्त गर्नेछ । यस्तै, उपविजेता टिमले नगद २५ हजार १ रुपैयाँका साथै ट्रफी, मेडल र प्रमाणपत्र, प्रत्येक खेलको म्यान अफ द म्याचले एक हजार रुपैयाँ, ट्रफी र प्रमाणपत्र पाउने छन् । यस्तै, म्यान अफ द सिरिजले ५ हजार, बेस्ट ब्याटरले २ हजार ५ सय र बेस्ट बलरले २ हजार ५ सय रुपैयाँका साथै ट्रफी र प्रमाणपत्र पाउने छन् । यस्तै, एक अनुशासित टिमले ट्रफी र प्रमाणपत्र प्राप्त गर्नेछन् । प्रतियोगितामा जिल्लाका विभिन्न कलेजका २६ टिम सहभागी छन् । प्रतियोगिताको फाईनल फागुन २० गते हुनेछ ।
Get real time update about this post categories directly on your device, subscribe now.
