श्रीन्यूज ओके रिपोर्टर।भैरहवा
उपाधिको प्रबल दाबेदार मानिएको फर्साटिकर युवा क्लव फर्साटिकर लाई टाईब्रेकरमा हराउँदै न्यु राईज युथ क्लब, बभनी तिलोत्तमा, ११औं नवयुवा कप खुला नकआउट फुटबल प्रतियोगिताको अन्तिम आठमा (क्वाटरफाइनल) प्रबेश गरेको छ ।
बिहीबार ओमभएको तेस्रो क्वाटरफाइनलतर्फ न्यु राईजले फर्साटिकर युवा क्लब, फर्साटिकरलाई टाईब्रेकरमा हराउँदै क्वाटरफाइनलमा स्थान सुरक्षित गरेको हो ।
ओमसतिया–२ कर्मडाँडा खेलमैदानमा भएको खेलमा टाईब्रेकरमा न्यु राईजले फर्साटिकरमाथि ४–२ को जित निकाल्दै अघिल्लो चरणको यात्रा तय गरेको हो । त्यस अघि निर्धारित समयको खेल दुबैले १–१ गोलको बराबरी खेलेका थिए । निर्धारित समयतमा न्यु राईजका लागि इन्द्र भण्डारीले गोल गर्दै अग्रता दिलाएका थिए भने फर्साटिकरका मुकेश कुँवरले पेनाल्टीबाट गोल गर्दै खेललाई बराबरीमा फर्काएका थिए ।खेलमा न्यु राईजका इन्द्र भण्डारी म्यान अफ द म्याच घोषित हुदै पुरस्कृत भए ।
प्रतियोगिता अन्तर्गत चैत २ गते शुक्रबारको चौथो प्रिक्वाटरफाइनल खेल आहना फुटबल क्लब, बुटवल र डिवाइसी, सियारी बीच हुने खेल संयोजक बिष्णु बरालले बताए ।
नवयुवा खेलकुद तथा साँस्कृतिक परिवार, ठुटिपिपलको आयोजनामा जारी प्रतियोगिताको विजेताले उपाधिसहित नगद २ लाख २ हजार २ सय बाहिस रुपैयाँ तथा उपविजेताले १ लाख १ हजार १ सय ११ रुपैयाँ प्राप्त गर्नेछ । प्रतियोगितामा १२ टोलीहरुको सहभागिता रहेको छ । फाइनल चैत १० गते हुनेछ ।
Get real time update about this post categories directly on your device, subscribe now.
