श्रीन्यूज ओके रिपोर्टर । भैरहवा
रुपन्देही सुपरलिग क्रिकेटमा प्रतिष्पर्धा गरीरहेको भैरहवाको तिरुपति स्पोर्टस क्लवले रोटरी क्लव अफ भैरहवाको साथ पाएको छ ।
भैरहवाको सिद्धार्थ रंगशालामा जारी सुपरलिग क्रिकेटमा प्रतिष्पर्धा गरीरहेको तिरुपतिलाई आईतबार सिद्धार्थ रंगशालामा आयोजित कार्यक्रममा रोटरी क्लव अफ भैरहवाले जर्शी सेट प्रदान गरेको छ ।
जर्शी सेट रोटरी क्लव अफ भैरहवाका अध्यक्ष उमेश चन्द्र आचार्यले तिरुपति स्पोर्टस क्लवका अध्यक्ष राजकुमार गुप्तालाई हस्तान्तरण गरे । रोटरी भैरहवाले केही अघि तिरुपति क्लवलाई क्रिकेटका खेल सामग्री समेत हस्तान्तरण गरेको अध्यक्ष आचार्यले जनाए ।
तिरुपति स्पोर्टस क्लवले आईतबारको खेलमा रोटरी भैरहवाको नाम उल्लेख भएको जर्शि लगाएर खेल खेलेका छन् । रोटरी भैरहवाका सस्थापक अध्यक्ष समेत रहेका तिरुपतिका अध्यक्ष गुप्ताले एक खेल संग सम्बद्ध क्लवलाई अर्को सामाजिक क्षेत्रमा कृयाशिल क्लवले खेल सामग्री प्रदान गरी हौसला प्रदान गर्दा खेल भावना अझै बढेको र खेलाडीमा समेत उत्साह छाएको बताए ।
Get real time update about this post categories directly on your device, subscribe now.
