लुम्बिनी अन्तर्राष्ट्रिय शान्ति म्याराथन शनिबार

श्रीन्यूज ओके रिपोर्टर।भैरहवा

भैरहवा –नेपाल ओलम्पिक कमिटीले विकास र शान्तिको लागि अन्तर्राष्ट्रिय खेलकुद दिवसको दिन अप्रिल ६( चैत्र २४ शनिवार) बुद्ध जन्मस्थल लुम्बिनीमा अन्तर्राष्ट्रिय शान्ति म्याराथनको आयोजना गर्ने भएको छ ।

बिगत २ वर्ष देखि यो दिवसका दिन निरन्तर कार्यक्रम गर्दै आएको नेपाल ओलम्पिक कमिटीले यस पटक भने दुई दिन तिनवटा कार्यक्रम आयोजना गर्ने सस्थाका अध्यक्ष जीवनराम श्रेष्ठले बताए ।

पहिलो पटक सन् २०२२मा बिश्वशान्ति द्धिप देखि मायादेबी मन्दिर सम्म वाकाथन आयोजना गरेका थियौ भने २०२३मा लुम्बिनी इन्टरनेशनल पिस म्याराथन आयोजना गरयौ र यस पटक पिस म्याराथन संगै अन्य तिन कार्यक्रहरु समेत गरी ‘अन्तर्राष्ट्रिय शान्ति महोत्सव’का रुपमा मनाउन लागिएको श्रेष्ठले बताए । यस पटक कार्यक्रममा हामीहरु संग धेरै सस्थाहरु जेडिन भएको छ, त्यसैले कार्यक्रम बृहत र भब्य हुनेछ, उन्ले भने ।

लुम्बिनीलाई विश्व शान्ति र धार्मिक सांस्कृतिक पर्यटन गन्तव्यको रुपमा विकास गर्दै शान्तिको सन्देश दिने उद्देश्यसहित बुद्ध जन्मस्थलमा कार्यक्रम हुन लागेको हो उन्ले भने । मुख्य दिन बिहान लुम्बिनी इन्टरनेशनल पिस म्याराथन तथा बेलुका लुम्बिनी शान्ति कन्सर्ट हुने तथा पहिलो दिन बिहान (चैत्र २३) लुम्बिनी अन्तर्राष्ट्रिय ध्यान दिवस कार्यक्रम हुने श्रेष्ठले बताए । ओलम्पिक कमिटी संगै, लुम्बिनी प्रदेश खेलकुद परिषद, लुम्बिनी बिकास कोष र नेपाल पर्यटन बोर्ड, नेपालस्थित चिनियाँ राजदूतावास आयोजकका रुपमा रहेका छन् ।

यो कार्यक्रमले लुम्बिनीको महत्वलाई विश्वमाझ अझै परिचित बनाउन योगदान दिने विश्वास आयोजकहरुको रहेको छ ।

लुम्बिनी अन्तर्राष्ट्रिय शान्ति म्याराथन लुम्बिनी स्कवायर बाट सुरु भै पुनह त्यही आएर टुंगिने गरी रुट बनाईएको र अन्तर्राष्ट्रिय स्तरमा मान्यता पाउने गरी म्याराथनको ४२ दशमलब १९५ मिटर दुरी मापन समेत भएको लुम्बिनी प्रदेश खेलकुद परिषदका सदस्य सचिव जयप्रकाश भट्टराईले बताए । सचिव जयप्रकाश भट्टराईका अनुसार पुरुष तर्फको म्याराथनमा प्रथम हुनेले ५ लाख रुपैया , दोश्रोले ३ लाख रुपैया, तेश्रोले २ लाख, चौथोले १ लाख , पाचौले ८० हजार, छैठौले ६० हजार, सातौले ४० हजार, आठौले २० हजार , नवौले १० हजार र दशौ स्थानमा आउनेले ५ हजार रुपैया पुरस्कार प्राप्त गर्नेछन् ।

त्यसै गरी महिला तर्फको हाफ म्याराथन(२१.०९७५ मिटर)मा प्रथम हुनेले २ लाख, दोश्रोले १ लाख ६० हजार तथा तेश्रो हुनेले १ लाख २० हजार रुपैया पुरस्कार पाउनेछन् । त्यसै गरी ५ किमीको महिला पुरुषको दौड र विद्यालयका छात्र, छात्राको लागि ३ किलोमिटरको वाकाथन समेत आयोजना हुनेछ । ५ किमी र ३ किमी दुबै स्पर्धाका बिजेताले क्रमश १५ हजार, १० हजार र ५ हजार रुपैया पुरस्कार प्राप्त गर्नेछन् ।

अघिल्लो सस्करणको म्याराथनमा अन्तर्राष्ट्रिय भनिएपनि श्रीलंकाका एकजना मात्रै सहभागी भएकोमा यो पालि नेपाल सहित चीन, पाकिस्तान, श्रीलंका, केन्या लगायत देशका धावकहरु पनि सहभागी हुने आयोजकले बताएका छन् ।

नेपालस्थित चिनियाँ दूतावासका नियोग उपप्रमुख वाङ सिनले लुम्बिनीको प्रबद्र्धनमा सहयोग पुगोस् भन्ने हेतुले आफूहरुले पिस म्याराथन सहित अन्य कार्यक्रममा सहकार्य गरेको जनाए । ‘लुम्बिनी शान्ति क्षेत्र हो, यहाँको थप प्रबद्र्धन र विकास जरुरी छ’, उनले भने, ‘चीन एउटा असल मित्रराष्ट्र भएकाले नेपाल र लुम्बिनीको प्रचार र विकासमा सधैं सहयोगी बन्छ ।’

लुम्बिनी विकास कोषका सदस्य सचिव सानुराजा शाक्यले लुम्बिनीको पर्यटकीय विकासमा यो कार्यक्रमले थप प्रबद्र्धन हुने जनाए ।

लुम्बिनी विकास कोषको परिसरमा हुने कार्यक्रम अन्तर्गत चैत २३ गते बिहान लुम्बिनी पवित्र उद्यानमा अन्तर्राष्ट्रिय ध्यान र साँझ संवाद कार्यक्रम राखिएको नेपाल पर्यटन बोर्डका सदस्य सचिव मणिराम लामिछानेले जानकारी दिए ।

भोलिपल्ट चैत २४ गते लुम्बिनी स्क्वायरमा लुम्बिनी अन्तर्राष्ट्रिय शान्ति म्याराथन हुने छ । उसै दिन साँझ लुम्बिनी शान्ति कन्सर्ट आयोजना गरिएको छ । जसमा आनी छोइङ डोल्मा, चिनियाँ गायक उलान तुया, लु निङ लगायतले प्रस्तुति दिनेछन् ।