- श्रीन्यूज ओके रिपोर्टर, भैरहवा
सिद्धार्थगर नगरपालिका–७ स्थित प्रबद्र्धन बचत तथा ऋण सहकारी संस्था लि.को १२औं वार्षिक साधारणसभा शनिबार भैरहवामा सम्पन्न भएको छ । साधारणसभा बोल्ने वक्ताहरुले सहकारीहरुले नीति, नियममा रहेर सेवा प्रवाह गर्नुपर्नेमा जोड दिए ।
सिद्धार्थनगर नगरपालिकाका सहकारी शाखा प्रमुख कमलकान्त खनालले सर्वसाधारणको स–सानो पुँजी जम्मा हुने भएकाले सहकारीले जोखिमरहित क्षेत्रमा लगानी गर्नुपर्ने बताए । अहिले धेरै सहकारीले निक्षेप फिर्ता नसकेको समाचारहरु आइरहेको जनाउँदै त्यसतर्फ प्रबद्र्धनले विशेष ध्यान दिनेमा विश्वास व्यक्त गरे ।
सहकारीका अध्यक्ष नारायणप्रसाद न्यौपानेले प्रबद्र्धनले बचतकर्तालाई अधिकतम लाभ मिल्ने गरी सहकारीको ऐन, नियमअनुसार कारोबार गरिरहेको बताए । उनले सबै सदस्यहरुको सल्लाहसुझावका आधारमा सहकारी अघि बढेका कारण आज सफल र सक्षम हुन सकेको जनाए ।
साधारण सभामा कोषाध्यक्ष कृष्ण प्रसाद पन्थीले २०७९ असार सम्म ५ करोड ३३ लाख ६५ हजार ६ सय ६ रुपैया ऋण लगानीमा रहेको, मासिक निक्षेपमा १ करोड ९२ लाख ८५ हजार ४ सय २७ रुपैया, दैनिक निक्षेप संकलन ५५ लाख ४५ हजार ६ सय ४६, बिशेष बचत १ करोड ८७ लाख ५५ हजार ७ सय ११ रुपैया रहेको जानकारी दिए ।
४ सय ५५ जना शेयर सदस्य रहेको सहकारीको शेयर पूजि १ करोड ७ लाख ६५ हजार ४ सय रुर्पैया जगेणा कोषमा २१ लाख २ हजार ६ सय २७ रुपैया र अन्य कोषहरुमा २७ लाख १५ हजार ७ सय ४६ रुपैया संचिती रहेको सस्थाले जनाएको छ ।
सहकारीले कृषि, उद्योग–व्यापार र महिला उद्यमशिलताका क्षेत्रमा लगानी गर्दै आइरहेको अध्यक्ष न्यौपानेले बताए ।
साधारणसभामा अध्यक्ष न्यौपाने अध्यक्षको र कोषाध्यक्ष कृष्णप्रसाद पन्थीले कोषाध्यक्षको प्रतिवेदन पेस गरेका थिए । उक्त प्रतिवेदन सर्वसम्मत पारित भएको सहकारीकी व्यवस्थापक कविता जिसीले बताइन् । कार्यक्रम सहकारीका उपाध्यक्ष नारायण बहादुर कार्कीको स्वागत तथा सचिव भेषराज बश्यालको संचालनमा सम्पन्न भएको थियो ।