भैरहवामा मतगणना ८ बजेबाट सुरु हुँदै

श्रीन्यूज ओके रिपोर्टर

• भैरहवा

रुपन्देही क्षेत्र नम्बर ३ को मतगणना भैरहवा स्थित भैरहवा नमूना माविमा अहिले बिहान ८ बजेबाट सुरु हुँदैछ । क्षेत्र ३ को मतगणनाको सबै तयारी पुरा भएको, सर्बदलिय बैठक सम्पन्न भइसकेको र अहिले मतमणना गर्ने कर्मचारी तथा प्रतिनिधीहरु जुट्ने काम भइरहेको रुपन्देही क्षेत्र नम्बर ३ निर्वाचन कार्यालयका सूचना अधिकारी शोभाकर खरेलले बताए । मतगणना ३ वटा कक्षमा हुने जनाइएको छ । प्रतिनिधि सभा र प्रदेश सभाको अलगअलग कक्षमा मतगणना हुने छ । मतगणना कक्षमा सुरक्षादृष्टीकोणलाई मध्यनजर गर्दै तारजालिको समेत प्रबन्ध गरिएको छ । मतगणना स्थलमा मोबाइल, ल्यापटप लगायतका ग्याजेटहरु लिएर जान बर्जित गरिएको छ । मतगणनाको जानकारी समय समयमा बिभिन्न माध्यमबाट सर्बसाधारणलाई जानकारी गराइने रुपन्देहीका प्रमुख निर्वाचन अधिकृत कृष्ण राम कोइरालाले बताए ।