- श्रीन्यूज ओके रिपोर्टर
भैरहवा ।
प्रतिनिधि तथा प्रदेश सभा निर्वाचन २०७९ मा रुपन्देहीबाट उम्मेदवार भएका मध्ये अघिल्लो निर्वाचनमा विजयी भएकाहरु पुनः दोहोरिन सकेनन् ।
ति उम्मेदवारहरुमा मतगणना सम्पन्न भइसकेका प्रतिनिधि सभाका २ क्षेत्र क्षेत्र नम्बर ४ र क्षेत्र नम्बर ५ रहेका छन् । दुबै क्षेत्रमा नेपाली काँग्रेसका उम्मेदवारहरु क्रमशः प्रमोदकुमार यादव र भरतकुमार शाह पराजित भएका छन् । यादव लोसपाका शर्वेन्द्रनाथ शुक्लसँग पराजित हँुदा शाह एमालेका बासुदेब घिमिरेसँग पराजित भए । शुक्ल संविधान सभा सदस्य एवम् पूर्व मन्त्री समेत हुन् । शुक्ल अघिल्लो निर्वाचनमा यादव सित पराजित भएका थिए । शाहलाई पराजित गर्ने घिमिरे तिलोत्तमा नगरका निवर्तमान प्रमुख हुन् ।
त्यसै गरी प्रदेश सभा सदस्यमा क्षेत्र नम्बर १(ख) मा एमालेका दधिराम न्यौपाने, क्षेत्र नम्बर ४(क) बाट नेपाली काँग्रेसका अष्टभुजा पाठक तथा क्षेत्र नम्बर ५(क) बाट नेपाली काँग्रेसका फकरुद्धिन खान पराजित भएका छन् ।
न्यौपानेलाई काँग्रेसका अब्दुल रज्जाक, पाठकलाई लोसपाका कन्हैया बनिया तथा खानलाई जनमतका चन्द्रकेश (सिके) गुप्ताले पराजित गर्दै दोश्रो पटक प्रदेश सभामा पुग्ने बाटो बन्द गरिदिए ।
