न्यु इएर इभमा नान्स होटलमा यमन ब्याण्डको प्रस्तुती,प्रबेश निशुल्क

श्रीन्यूज ओके रिपोर्टर। भैरहवा

अँग्रेजी नयाँ बर्ष २०२५ लाई लक्षित गर्दै भैरहवाको पहिलो तारे होटल नान्सले आफ्ना ग्राहकहरूका लागी साँगीतिक कार्यक्रम आयोजना गर्ने भएको छ ।
नान्स होटलका महाप्रबन्धक सुनिल श्रेष्ठका अनुसार न्यु इएर इभका दिन डिसेम्बर ३१ तरीख अर्थात पुस १६ गते बेलुकी ६ बजे पछि कार्यक्रम हुनेछ । राती होटलको स्विमिङ पुल साइडमा साँगीतिक माहोल सहितको कार्यक्रम आयोजना हुनेछ । महाप्रबन्धक श्रेष्ठका अनुसार यमन ब्यान्डको प्रस्तुती साथै चर्चित डान्सर मनिषाको समेत नृत्य रहेको बताए । इभमा साँगीतिक कार्यक्रममा सहभागी हुन प्रवेश निशुल्क रहेको र आफूलाई मनपर्ने बिभिन्न खानाका परिकार मेनु अनुसार अर्डर गरी खान सकिने श्रेष्ठले बताए ।

उता होटलमा बस्न आउने ग्राहकका लागि एक रातको ७ हजार रुपैयाँको अफर ल्याएको छ । अफर अनुसार एक रात बास बसेको ,रात्री बफेट डिनर र बिहानको ब्रेकफास्ट सो रकममा २ जना (कपल)को लागी उपलब्ध रहेको होटलले जनाएको छ । चार तारे नान्स होटल भैरहवाको देबकोटा चोकमा अवस्थित छ । होटलमा स्विट र डिलक्स गरी ६० कोठा रहेको छ भने कुची भ्वय नामको नेवारी रेष्ट्रो र क्याफे थर्टिन्थ स्ट्रीट नामको २४ घन्टे कफी सप समेत रहेको छ भने होटल परिसरमा क्यासिनो प्याराडाइज सञ्चालनमा छ ।