गृहमन्त्रीको क्षेत्रमा पदक पाउनेको चर्चा

• भैरहवा  ।
  

  ---

सरकारको सिफारिसमा राष्ट्रपतिद्वारा संविधान दिवसको अवसर पारी प्रदान गरिने बिभिन्न पदक प्राप्त गर्नेहरुको नामावली सार्वजनिक भएसंगै पदक र पदक प्राप्त गर्नेहरुको चर्चा देशै भरी चलेको छ । यसमा पनि वर्तमान सरकारका बहालवाला गृहमन्त्री बालकृष्ण खाँणको गृह जिल्ला रुपन्देहीका धेरै व्यक्तिहरु बिभिन्न पदकद्वारा विभूषित हुने सूचिमा रहेका छन् ।

गृहमन्त्रीको गृह जिल्ला रुपन्देही मात्र नभई उहाँको निर्वाचन क्षेत्र मानिएको रुपन्देही क्षेत्र नम्बर ३ र त्यसमा पनि भैरहवाका धेरै विभूषित हुनेमा परेका छन् । भैरहवा क्षेत्रबाट विभूषित हुनेमा न्यूज ओकेका सल्लाहकार सम्पादक चेतन पन्त, वरीष्ठ उद्योगपतिहरु राजेश कुमार अग्रवाल, सिताराम उप्रेती, कृष्ण मुरारी अग्रवाल, राम थापा, राम बहादुर कोइरी, शुशिल गोयनका, नेपाल आइडल भुपेन्द्र थापा मगर, युवा व्यवसायी मंगल भण्डारी, भैरहवा मर्निङ्ग वाक गु्रपका अध्यक्ष ओमकार गौचन, भन्सार एजेन्ट संघ नेपालका पूर्व अध्यक्ष डा. शान्त कुमार शर्मा, नेपाल क्रिकेट संघका महासचिव प्रशान्त विक्रम मल्ल, जेसिआई सिद्धार्थ नेपालका पूर्व अध्यक्ष दिपेन्द्र मान श्रेष्ठ, पूर्व फुटबल खेलाडी मोतिकला गुरुङ्ग, शारिरीक सुगठनका खेलाडी शिवध्वज राई, समाजसेवीहरु दिलिप भट्टराई, मुरारिलाल अग्रवाल, ज्ञानु पौडेल, ज्ञानदेव हटुवाल, आनन्द प्रसाद गुप्ता, सिद्धार्थनगर नगरपालिका वडा नम्बर १० का पूर्व वडा अध्यक्ष विजय नाथ धवल, पक्लिहवा कृषि क्याम्पसका सहायक क्याम्पस प्रमुख शैलेश गुरुङ्ग, सिद्धार्थ उद्योग वाणिज्य संघ रुपन्देहीका पूर्व अध्यक्ष महेन्द्र कुमार श्रेष्ठको नाम पनि विभूषित हुनेमा रहेको छ । त्यस्तै गरी क्षेत्र नम्बर ३ बाट विभूषित हुनेहरु अन्य समेत रहेका छन् । यसरी हेर्दा गृहमन्त्री खाँणको प्रस्तावित निर्वाचन क्षेत्र र जिल्ला समेतबाट गर्दा रुपन्देही विभुषित हुनेहरुको लिष्टमा भाग्यमानी जस्तै भएको छ ।

आम सर्वसाधारणको भनाई भने यसरी धेरैलाई पदक दिदा पदकको गरिमानै रहेन । गृहमन्त्रीको जिल्लामा पदकबाट विभूषित हुनेहरुको संख्या बढी हुनुलाई धेरैले आउँदै गरेको निर्वाचनसंग समेत जोडेका छन् । कतिले राजनितिक पहँुचका आधारमा वितरण हुने भनि टिप्पडि गरेका छन् ।
आफ्नो गृह जिल्ला त्यसमा पनि आफ्नो प्रस्तावित निर्वाचन क्षेत्रबाट विभूषित हुनेहरु धेरै पारेको भनि गृहमन्त्री खाणँको आलोचना समेत भएको छ ।

भैरहवाका वरीष्ठ सञ्चारकर्मी कुलमणि ज्ञवालीले पदक त्यसमा पनि संविधान दिवसको अवसरमा बिभिन्न मानपदवी पदकबाट विभूषित हुने भनि घोषणा हुनु आफैमा महत्वपूर्ण भए पनि धेरैले पाउदा पदकको गनितोमनितो र महत्वनै खस्केको होकी भन्ने भान भएको बताए ।