- श्रीन्यूज ओके रिपोर्टर
भैरहवा ।
तमु ह्यूल छोंज धिं गुरूङ राष्ट्रिय परिषद् शान्तिनगर ईकाइ समिति, शान्तिनगर गुरुङ्ग समाजको आयोजनामा शान्ति बुध्द गुम्बा, भैरहवामा १ दिने निःशुल्क स्वास्थ्य शिविर सम्पन्न भएको छ । युनिभर्सल कलेज अफ मेडीकल साइन्सेज शिक्षण अस्पताल यूसिएमएस भैरहवाको प्राविधिक सहयोगमा भएको शिविरमा महिला पुरुष गरी २१० जनाले स्वास्थ्य परिक्षण गराइ लाभ उठाएको समितिका कोषाध्यक्ष राजु गुरुङ्गले बताए ।
स्थापनाकालदेखि नै सामाजिक कार्य गर्दै आइरहेको र स्वास्थ्य क्षेत्रमा पनि सह्रनीय काम गरेको शान्तिनगर गुरुङ्ग समाजको प्रशंसा गर्दै प्रमुख अतिथि यूसिएमएसका प्रशासन संयोजक तेजकुमार के.सी.ले मन्तव्य राख्दै शिविरमा स्वास्थ्य परीक्षण गराएका विरामीहरुको सुविधाको लागि यूसिएमएस भैरहवामा २० प्रतिशत छुट गरिने जानकारी दिए ।
कार्यक्रममा स्त्रीरोग विशेषज्ञ डा.मनिशा यादव, हड्डी रोग विशेषज्ञ डा.शिव पराजुली, ई. एन.टी. विशेषज्ञ डा. बिशेष रेग्मी, फिजिसीयन डा. बिकाश सहानी लगातय चिकित्सकहरुको उपस्थिति रहेको थियो । कार्यक्रम सावित्री गुरुङ्गको सञ्चालन र सचिव सोमबहादुर गुरुङ्गको संयोजकत्वमा सम्पन्न भएको हो ।
सञ्चारकर्मी बिशन गुरुङ्गले लिएका स्वास्थ्य शिविर कार्यक्रमका केही तस्वीरहरुः
Get real time update about this post categories directly on your device, subscribe now.
